&&& لايطـول غيابـك &&&

[ابو خالد]

لايطول غيابك ... ثم اخذ عليه
لو تخليت عنى ... عنك قلبي ماتخلى
العذر والتعلل والحكي ... مانبيه
من تحرك فؤاده ... بالهوى ماتخلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقي نحتريه
مابي دموعك ...اللي عقب موتي تهلا
مابقي بالعمر مقدار ماراح فيه
كل مازل يومٍ ... يوم بالعمر ولى
مايعرف الجمر مثل الذي يكتويه
احد يدفا بناره ... واحد فيه يتصلى
يامن القلب حطيته براحة يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى


خالد الفيصل

[أبو الوليد]

صح لسانك ولسان الشاعر

تحياتي لك

[ابو خالد]

هلا والله ابو الوليد

لاهنت يالغالي على المرور

وفعلاَ انها من روائع خالد الفيصل