حن هل السمرا

[السياسي]

اهداء الى كل انسان مضيع الجاده في كلامه
ويتعلل بأن الخلاف لا يفسد للود قضيه
((حن هل السمرا))



اختلاف الراي مايفسد قضيه= قالها من قالها والقصد واضح

قالها اللي ودّه يخش الخطيه= مادرى انها فاضحه والراي فاضح

انت ياالواطي يابو نفس(ن) دنيه= لا تحسب انك علينا صرت ناصح

ولا تحسب افكارك العميا ذكيه= ولا تحسبك فارض نفسك وناجح

انت فاشل واسفل من الاسفليه= ولا انت كفو(ن) للملاقى والمناطح

وكان ردّت للعلوم الاوليه= للخيول وللسيوف وللمذابح

يشهد التاريخ مايشهد عليّه= يشهد التاريخ من كانو (جوارح)

الجوارح بالفعل والمقدريه= ماهي مثل مسلسلة((كاسر وجارح))

من يمانينا تذوب العنتريه= ومن يمانينا انعرف ويش المشارح؟؟

من يعادينا نورّده المنيه= مات...ولاّ راح غصب عنه سامح

السلامه من يمانينا هديه= ومن يعادينا خسى ماهوب رابح

يعني حنا في العصور الجاهليه= في الصداره وانت في الآخر تراوح

في المراجل مايسجل لك هويه= والظفر مالك معه اية ملامح

سمّها وان كان تبغي عنجهيه= من سواتك مانفع معه التسامح




((حن هل السمرا)) مطوّعة العصيه= من جعلنا ضد جاه الموت نازح

ومن يوالينا نعيّفه بخويه= بالظفر والطيب وعلاّق الذبايح

والشجاعه ((بالقبايل))سرمديه= والعوايل مثلها لبست وشايح

بالظفر نسمع لها علومن طريه= تنفع اللي قلبه يحب النصايح

ولاّ من مثلك مباديـّه رديه= مايصافِح للحقوق ولا يصافَح

انت كفّك ماضرى بمد العطيه= تكنز الدينار وتحوش المصالح

والرجل لا صار ماعنده حميه= مافلح دنيا ولا في الدين فالح

وانت والله مفلس(ن) من ذي وذيه= مانت صالح لاي حاجه منت صالح



الشاعر محمد فهد العرجاني

السياسي

[راكان اليامي]

لاهنت يالسنافي
وصح لسانك ولسان ابن عرجا

اخيك

[طويق]

ونعم ونعم ومليون نعم بآل عرجـــــــــــاء

ويستاهلون المدح من طيب فعايلهم أول وتالي

وشجاعتهم وكرمهم ما احد يشك فيها

وصح لسان الشاعر محمد بن فهد بن نادر العرجاني

وأشهد أن قصيدته جزلة وكايدة

والله لا يهينك يالسياسي دايم علومك زينة وطيبة و لاتنقل إلا الطيب

وأنت تستاهل أكثر من كذا

أخوك
طويــــــــــــــــــــــــــــــــــق

[السامر]

السياسي

لله درك يالسياسي


انت شمعة الموقع

شخص مميز خفيف الدم كلامك في الصميم

تجرح وتداوي

لله درك يالسياسي

وصح لسان الشاعر / محمد بن فهد العرجاني


ولا هنت على النقل

وتقبل تحياتي يالغالي


اخوك/* السامر

[السياسي]

ارحب يا راكان وما عليك زود يا السنافي

السياسي

[السياسي]

ارحب يا طويق وما عليك زود


السياسي

[سمو الامير]

السياســــــــــــــــــــــــــــــــــي

لاهنت على النقل وهذا ان دل على شي يدل على طيب راسك واللي انت منهم

وصح لسان الشاعر ولسانك



سمو الامير

[السياسي]

ارحب يا السامر ولا هنت يا السنافي على هذا الاطراء وما عليك زود


السياسي

[السياسي]

ارحب يا سمو الامير وما عليك زود يا السنافي ولا هنت على الحضور


السياسي

[هند]

السياســي

صح لسانك ولسان الشاعر


أطيب التحايا
السؤدد