قصة المرحوم راشد بن الذيب مع العجوز

[M711الصيعريM711]

أخواني اعضاء منتدى قبيلة العجمان هذي القصه والقصيده سامعها
اذا فيه خطاء في القصه او القصيده الرجاء تصحيح العباره
ولكم خالص الود والاحترام



الشاعر الكبير راشد ابن الذيب رحمة الله واسكنه فسيح جناته
صاحب البيت المشهور

الصبي ون طاب طيبه(من خواله) ..

وهنا اخواني الاعزاء دعونا نقف وقفه مع راشد الذيب رحمه الله

الشاعر راشد بن حسن الجمعه العجمي الملقب ( بالذيب ) كان يشتغل سوّاق في ارامكو

وكانت انظمة ارامكو تمنع السائقين ان يشيلو الناس الي يقفون على الطريق (( العبريه )) ..

والشاعر راشد الله يرحمه كان يخالف التعليمات وكل هذا من الحيا الي فيه و المراجل

يوم من الايام أشرت له عجوز ومعاها حمار قالت له وصلني يا الأجودي قدام شوي

قال ابشيلك بس الحمار لا قالت له : خلاص روح الله يستر عليك بيجي الذيب ويشيلني ان شاء الله

((تقصد المرأه راشد العجمي))

.. قال لها يا خاله انا راشد الذيب .. اركبي وابشري بالخير ..

وله في ذلك ابيات جميلة منها

لال قيت اللي على السكه الحالـه = واقف ويقـول ويـن الطيبينـي
انكـخ الموتـر وادور للجمالـه = يوم ولد اللاش وجهه مـا يلينـي
حالف ما اخذ على الطرقي رياله = والثلاثه حالف انها ما تجينـي
اشرب الفنجـال واخلـي البيالـه= طيب و احـب سلـوم الطيبيـن
والصبي وان طاب قالوا من خواله = وان تردى فادروا انهم خايبينـي

المرحوم
راشد الذيب العجمي



تقبلوا خالص تحياتى
اخـــــــوكــــــــــــــم

M711الـصـيـعـريM711

[الملك]

بسم الله الرحمن الرحيم
السلام عليكم

قالها إبن الذيب من هاجوس باله=كلمةٍ يلعب بهـا والبـال زينـي
قالها يومه طرالـه مـا طرالـه=من هواجيسٍ تشيب المرضعينـي
غرّني بعض الرجال بكثر مالـه=مادرى إن الموت في حبل الوتيني
كيف ينفعني وبعض الناس خاله=ما يدوم البيت كان الساس طينـي
ماش وين اللي عوايـده الشكالـه=مثل إبن ظافر حمد ليته يجينـي
الثنا والجـود دايـم فـي خيالـه=علّمـه ظافـر سلـوم الطيّبينـي
جـوّد العليـا ولزّمهـا عيالـه=وأدركوا من علمته دنيـا ودينـي
واهني من باع حظّـه وإشترالـه=سار في درب النبي وأخزا اللعيني
موقفـه ماكـل رجّـالٍ ينـالـه=ومن بغا ممشاه يقعـد مرّتينـي
وكم ذبح من حايلٍ من حر مالـه=وعادته لطمة خشـوم العايلينـي
حالفٍ ماخذ على الطرقي ريالـه=وبالثلاث محرّم إنها مـا تجينـي
لا لقيت اللي على السكّـه لحالـه=يلتفت ويقول : وين الطيبينـي
أقف الموتر حيا وأبغا الجمالـه=يوم ولد اللاش وجهه مـا يلينـي
والطمع في كرّوة الرجلي رذالـه=خصّ به وإن جا مجال الغانميني
والردي في حالةٍ ماهيـب حالـه=يا عوينه مـن كـلام الشامتيني
الولد وإن طاب قالوا : من خواله=بالخوال يسـال قبـل الوالدينـي
وأركبه لعيون من زيـنٍ دلالـه=ما تحاكوا في قفـاه الرامسينـي
ما بغى غيري وأنا مابغا بدالـه=قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه=ناخذ العليـا طريـق الفايزينـي
وأشرب الفنجال وأكـب البيالـه=تابـعٍ سلمـي سلـوم الأولينـي

يتبع
7
7
7
7

[وضاح0]

الله يرحم الوالد راشد ابن الذيب ويغفر له ولوالدينا جميع

[مشاعر حالمه]

اي بالله هذي السالفه اللي قالتها لنا عمتي الله يطوّل عمرها

ومشهوره ماشاء الله

والله يبيح منه ويرحمه راشد ابن الذيب

ومن خلّف مامات سبحان الله ..هذا ولده سار على نهجه ..

تسلم اخوي على النقل ولاهنت

تحيتي لك / مشاعر حالمه _ عزوة ابوها

[نسل الطويل]

الولد وإن طاب قالوا : من خواله
بالخوال يسـال قبـل الوالدينـي



هذا الصحيح وليس هذا 7
7

والصبي وان طاب قالوا من خواله
وان تردى فادروا انهم خايبينـي


ولاهنت يا الصيعري على النقل
ولاهنت يا اعصار على التصحيح

[محمد المحلكم]

صح لسانه والله يرحمه

[الملك]

للتصحيح
الشاعر ليس من الجمعه
هو راشد بن حسن ابن الذيب الشبرين

[فرز الوغا]

لال قيت اللي على السكه الحالـه
واقف ويقـول ويـن الطيبينـي
انكـخ الموتـر وادور للجمالـه
يوم ولد اللاش وجهه مـا يلينـي
حالف ما اخذ على الطرقي رياله
والثلاثه حالف انها مـا تجينـي
اشرب الفنجـال واخلـي البيالـه
طيب و احـب سلـوم الطيبيـن
والصبي وان طاب قالوا من خواله
وان تردى فادروا انهم خايبينـي


صح لسانه والله يرحمه ...
الصعيري لاهنت علي ما ورد منك

[الاحرش]

ولاهنت يا الصيعري على النقل
ولاهنت يا اعصار على التصحيح

[المرواح]

((((((( الله لايهينكم جميعاً )))))))))

الله لايهينك الاخ الصيعري على النقل
واذا ماعليك كلووووفة نبغى المزيد من قصص وقصائد الشاعر راشد بن الذيب





وشكرا للعموم