----------(( مصدوع )) -----------// قنبلة ذرية ..!!

[^فتي الوادي المطنوخ^]

السلام عليكم ورحمة الله وبركاتة



بدون مقدمات .. أقبلوها مثل ماهي !!


لاتسيئون الظن فيني ...ودورا لي عذرٍ سمين ...



فأنا لا أملك ألا مايلهمني لة الشعر ( قاتل اللة شيطانه )


لا يقبل المفاوضات



الوكاد



اسلموا ...................

تفيق وإلآ جعل... ماعمرك تفيق = ألوي ذراعك// يعني ألوي ذراعك
ياهيه .//.وقف حان وقت الطواريق = وترى هجومي// مايصده دفاعك
من( راسي المطنوخ) لين المعاليق= زعلان ..وأبغى فالطبيعة صراعك
وأنا وراسي //كلبونا مشافيق = على لقانا يوم أشوف أستطاعك
ماهو هواش النت ..(حق الخرانيق) =مناطح رجالٍ..// تسري ضباعك
واللة لو تمضي سنينٍ معاتيق =عايش على شوق اللقا وأتباعك
أنا كذا وآحب شغل المطافيق =واضح ..ولايخفى علُي أنقطاعك
عليك مني ماتطول الشواهيق =ولا عاد يضرب للمعازف ايقاعك
سنة .//.وانا أبلع غلطتك في خفا الريق=وإللي خلقني// اليوم لغسل شراعك
سنة ..// وزولك يانديم الغرانيق =سنة ...// وانا مصدوع وأشكي صداعك
سنة ..// وانا مثل الجبل كني طويق=وانت الحماد إللي تعرُى بقاعك
جيتك وشعري في جبينك تراشيق =وان جبتها فالوجة بكشف قناعك
وان غرُبت ..لا بد من يوم تشريق=واليوم شمسي جات تكتم شعاشك
بالحق ..طوقتك على القاف تطويق =حتى سقوطك// مارضى برتفاعك
نفسك مريضة (يازعيم المذاريق) =والسانك المعتوة// سبة ضياعك!!
يمناك شرواها على الخيق والبيق =ماورثت كود الفشل بإنطباعك
وضعك فلا يحتاج ...مجهر وتدقيق = جبان ماتقدر تخفٌي ارتياعك
عليك لو مايشهدون المخاليق =اللة عليك اللي شهد في خداعك
وأهل النقا .. ماخالطوا شعب الأغريق =والا انت ماواللة تصفي طباعك
(حشمت نفسي والشيوخ المطاليق) = عن ذكر أسمك// وأحتويت أنصياعك
على الجهل ..وشلون( روُقت ترويق ؟)؟= دلهان !!وانت مابديت امتناعك
شاعر وبينك والجزالة مواثيق =مبدع .. ولكن الخنا من اختراعك
سوُقت لسمك للتفاهات تسويق = سعيت بين الربع ماكل طاعك
والضلع شامخ ..وانشدوا عنة أشقيق =دايم يسيل// ولايهم اندفاعك
لاصرت يالتاريخ ماتحشم بقيق =اللة يعينك .//.لاهدمنا أقلاعك
لاتدعيُ بالطيب كذبٍ وتلفيق =كل ليل تسري( لردى في كراعك)
إن جيتني بالطيب ...ماتشكي الضيق = وان جيت بالقوة كسرنا ذراعك
يقولها المطنوخ ..والطاري الضيق = والرد ياصلني ( بحسن أستماعك )

ملاحظة :- ( الخرانيق ) * جمع خرنق وهو ولد الآرنب كما ورد في معجم لسان العرب





اتوقع انها آآآخر قصيدة أأأنشرها فالمنتدي .....أذكروني بخير !!!! وارفعوها دائماً

[خالد بن رمثان]

صح لسانك يالمطنوخ


ولي عووده ..

[الــهــواوي]

صــح اللســـآنك يــآ المطنــووخ ولآ هنــــت

وأرجو أن تقبــل مرووري

[فلاح بن جمل]

صح اللسآنك وأعتلآ شآنك .. ولآهنت ع ذآ الوآفيه .. !


لك خآلص التقدير

[وكيل آدم]

حجز لي عودة

[معشوقش الراحل]

نفسـك مريضـة (يازعيـم المذاريـق)
والسانك المعتـوة// سبـة ضياعـك!!


صح لسانك وكثر من ذا القصايد


واجد يستاهلونها

[@ فــهــد @]

.
.
.

فتى الوادي المطنوخ

.
.

ما زلت اراهن على مقدرتك الشعريه

صح السانك

والله يعين المقصود

.
.

دمت على تميزك

.
.
.

[موادعك خيره..!]

يمناك شرواها علـى الخيـق والبيـق
ماورثـت كـود الفـشـل بإنطبـاعـك
وضعك فلا يحتـاج ...مجهـر وتدقيـق
جبـان ماتقـدر تخـفٌـي ارتيـاعـك
عليـك لـو مايشـهـدون المخالـيـق
اللة عليـك اللـي شهـد فـي خداعـك



مبدع


صح لسانك

[وكيل آدم]

ياساتر شوووووووووووووووووو هآآآآآآض !!!!!!!!!!!!!!!!!!

[مـاريـه]

صح لسانك