السـلا عليكم ورحمه الله وبركاته
.
.
.
.
.
.
ياطير حضك بالجناحين حلقت=للبعد ولقطع المسافات ضاري
لو مطلبك روس النوايف تعلقت=فيها ولو تجري عليك الجواري
لاتشتكي ضيقه ولاضامك الوقت=مافيك هم الا هموم الحباري
وانا على شوك الليالي تسلقت=لين ارجحت شتيمتي بانتصاري
لو اعلم بغيب الليالي ترفقت=لاكن ماغير الله عن الغيب داري
ولاكان نمت الليل كله ولافقت=لين احترق زادي على جمر ناري
لا الحظ ساعدني ولا آنا توفقت=حتى الزمن اخلف مساره مساري
وغربت وين ليه مدري وشرقت=اطارد الما في سراب الصحاري
تسكرت كل الدروب وتوهقت=وعييت ارد وما اقتنعت بقراري
يالله وانا اللي ماعصيتك ولابقت=انك ماتجعل مثل ليلي نهاري
لو شفت نورن للسعد كان روقت=لاكن حتى ما لنوره مواري
كم لي وانا اهوز الدروب وكم انسقت=مع كل درب وكم يطول انتضاري
وين انت ياللي تلتفت كل ماضقت=ماعاد لك حتى مع الناس طاري
العام كنت ارفق براسك الا ارفقت=واصبحت لي في كل شي استشاري
واليوم كنك للمشاهيب لحقت=والا عوينن للزمن فانكساري
ياليت حتى فاتصالك تصدقت=يمكن ترد من اقشر الوقت ثاري
وســلامتـــكم
الشاعر/حمد بن صالح المري
26-06-2009, 04:56 AM
العرض المتطور
