قصيدة مقارنه مع البرتقاله

[سمو الامير]

قصيده ماعرفت من هي له ولكن حبيت اطلعكم عليها

يذكـرون النـاس بنـتٍ سولعـيّـة = جات في "فيديو كليـب البرتقالـة "

الخـوي لا شافهـا ينسـى خويّـه = والأبـو لا شافهـا ينسـى عيـالـه

بنت وش من بنت .. حيّك من صبيّة = منوة اللي حـب خلّـه سـمّ حالـه

الهـوى كاويـه كيّـة فـوق كيّـة = منسقم وان شفـت حالـه لا تسالـه

قلت وش هي ؟ قالوا أمهلنا شويّـة = أعطنا فرصة ترى السرعة جهالـة

يا وصل .. فيها وصايـف عالميّـة = واحدٍ مـا شافهـا واعـزّ تـى لـه

مـا توصّفهـا الحـروف الأبجديّـة = يقصر التعبيـر لـو طـوّل مجالـه

المحـيّـا والشـفـاه النرجسـيّـة = والعيون اللي تصحّـي كـل دالـه

والشعر ما كنّـه إلا الشمـس حيّـة = هو جميل وصبغتـه زادت جمالـه

والخصور نحاف واللمسـة طريّـة = لا دقاقـة فـي القـوام ولا جلالـة

قلـت : لله .. ذمّتـي منهـا بريّـة = اقصـرو تعبيركـم مالـي ومـالـه

علّمونـي بــس وش هالآدمـيّـة = من جنوب الـدّار وإلا مـن شمالـه

قالوا من أرض العراق أرض الحميّة = من يجيهـا يـدري إن الشـرّ فالـه

قلت : أبا ألقي نظرتي عن حسن نيّة = الهوى مـا يتـرك الواحـد بحالـه

شفتها .. والصّدق ما زلّـوا عليّـه = زينها فايق .. وقولوا وصـل قالـه

ميـر تبقـى قـدم خلـي عايـديّـة = النّعامـة مــا تشـبّـه بالغـزالـة

خلي اللي مـن ورى نجـد العذيّـة = مثل ظبي الريم يجفـل مـن ظلالـه

ساكنة في داخل أفخم عضـو فيّـة = قلبي اللي ما أحتوى غيـر الرجالـة

ولـو أوصّفهـا ظلمـت الأجوديّـة = الوصـف عنهـا قصيـراتٍ حبالـه

لو نظرها قيـس عـاف العامريّـة = والبخيل ان شافها يرخـص حلالـه

عندي أحلا مـن شـراب الشاذليـة = وش يجيب الكيف عند البرتقالـة ؟!!

[راكان اليامي]

الهوى كاويه كيّة فوق كيّة
منسقم وان شفت حاله لا تساله

قلت وش هي ؟ قالوا أمهلنا شويّة
أعطنا فرصة ترى السرعة جهالة

صح الله لسانك ولسان الشاعر

تقبل سلامي

[عيد بن شدقان]

ولو أوصّفها ظلمت الأجوديّة
الوصف عنها قصيراتٍ حباله

لو نظرها قيس عاف العامريّة
والبخيل ان شافها يرخص حلاله

عندي أحلا من شراب الشاذلية
وش يجيب الكيف عند البرتقالة ؟!!

سمو الامير
صح السانك ولا هنت

[سمو الامير]

راكان اليامي

الراكد

صح ابدانكم ولا هنتو عالمرور


سمو الامير

[سلطان بن جفن]

سمو الامير
تسلم على النقل الجميل

متميز في نقلك وجمال كل ماتاتي به

اخوك سلطان

[دغري]

بيض الله وجهك على القصيده

[لحن القوافي]

[ياويل الناس على هالبرتقاله
وصح السانك والسان كاتبها
والحقيقه الشعراء الكبار ينقصهم هذا
النوع من الشعرالمضحك
بخوفهم من النقد وانا ماني فاهم ليش؟
والمفروض الواحد يحرص على
اللي يسعد متابعينهه
او ان يتخلل ديوانه شيء من هذا الشعر
للترفيه ]

[سمو الامير]

الله يسلمك يابن جفن

واسعدني مرورك وشرفني

وحياك الله



سمو الامير

[سمو الامير]

ووجهك يا دغري
مراحب يالحن القوافي وحياك الله معنا في المنتدى
ولاهنتوا على المرور



سمو الامير

[أبوعمير]

حسبي الله ونعم الوكيل

بدل ان يكون فساق العراقيين تحرير أرضهم أن شغلوا وأشغلوا الناس بالبرتقالة

لكن اعان الله المجاهدين والمثابرين والمرابطين على ارض العراق

ونصرهم الله

واخزى الله الشيطان واعوانه

من فساق وغيرهم