طلب من اخوكم بندر المطيري

[بندر المطيري]

مساكم الله بالخير يالعجمان
انا اخوكم بندر المطيري عضو جديد عندكم ولي طلب اتمنى من الاعضاء والمشرفين انهم ما يردوني
انا دورت قصيده للشيخ الشاعر راجح العجمي وازريت يا خوكم ان احصلها
واتمنى من الاخوان الي عنده القصيده ان يحطها لي بالمنتدى
القصيده تقول ::::
عثى فينا جهاز الدش بث وعـرض وإستقبـال
محاقيـن الـردى لا بـارك الله فـي محاقنـهـا
بدا وقت الفتن يطلع عسـى الله يصلـح الأحـوال
ولا نقـدر نقـول إلا عـسـى ربــي يزينـهـا
طلـع جيـل يشيّـب بالرضيـع ويذهـل العقّـال
بعض نـاس ذكرهـا المصطفـى شفنـا عواينهـا
لقينا الكاسيـات العاريـات الوصـف والأشكـال
عليهـا لبـس .. لكـن لبسهـا يبـرز مفاتنـهـا
تميل عن الطريـق المستقيـم ومـن تبعهـا مـال
خبيثة شكـل .. ظاهرهـا يمثـل خبـث باطنهـا
ترحّلها إبليـس وانجلـى عنهـا الحيـا وانجـال
ولـو قامـت تلملـم .. مـن يصدقهـا ويامنـهـا
وسلمتكم
الله لايهينكم بغيت القصيده بصوت الشاعر راجح
بندر المطيري

[بري حالي]

والله بنسبه لي ماعرفها

[البادع]

السلام عليكم ورحمه الله وبركاته

الأخ الفاضل

"" بندر المطيري ""

حياك الله أخوي وهذه الساعه المباركه

ونتمنى أنك تفيد وتستفيد معنا

تفضل أخوي هذه طلبك

عثى فينا جهاز الدش .. بث وعـرض وإستقبـال=
محاقيـن الـردى لا بـارك الله فـي محاقنـهـا
بدا وقت الفتن يطلع عسـى الله يصلـح الأحـوال=
ولا نقـدر نقـول إلا عـسـى ربــي يزينـهـا
طلـع جيـل يشيّـب بالرضيـع ويذهـل العقّـال=
بعض ناس ذكرهـا المصطفـى شفنـا عواينهـا
لقينا الكاسيـات العاريـات الوصـف والأشكـال=
عليهـا لبـس .. لكـن لبسهـا يبـرز مفاتنهـا
تميل عن الطريق المستقيـم ومـن تبعهـا مـال=
خبيثة شكـل .. ظاهرهـا يمثـل خبـث باطنهـا
ترحّلها إبليـس وانجلـى عنهـا الحيـا وانجـال=
ولـو قامـت تلملـم .. مـن يصدقهـا ويامنهـا
تستر لين تدخل راسهـا فـي المشغـل الشغـال=
وعلـى الشغـال بالمشغـل مذارعهـا تبيّنـهـا
غدت ماعاد تجفل مـن عيـال الهنـد والبنغـال=
تغنّـج لـه إليـن يهـزّ رأسـه ثــم يديّنـهـا
على ذا الحال يمكن تفتن الصاحـي مـع البطّـال=
مـادام إنهـا تغنّـج لــه وكلمتـهـا تلينـهـا
تجرد عن لبـاس المسلميـن وتلبـس البنطـال=
مع قـل الحـلا .. تلبـس لهـا لبـس يشينهـا
يقولون الرجال " إن الفرس فـي دبـرة الخيـال "=
ورى الخايب يخلـي الخايبـة تبـرز محاسنهـا
ولا يؤدب ولا ينصح ولا ينظـر لهـا فـي حـال=
يعاملهـا بهيمـة ... بـس مابـه إلا يسمّنـهـا
وبعضهم لو يبي يؤدب وينصح زوجته ما حتـال=
ولا ينكـر عليهـا شـيء وإن زعلـت يساكنهـا
خذت منه القوامة وأصبح الحرمـة وهـي رجـال=
تخلي الثـوب نصـف السـاق وثيابـه يطمّنهـا
ولا جا الليل .. كل راح له سائـق ولـه جـوال=
إلى من جات .. ما تلقاه ... وإن جاء ما يعيّنهـا
تحدد نسلها تبغى الرشاقـة .. مـا تريـد عيـال=
مع عـدوان ديـن الحـق .. معلنـة تضامنهـا
وظيفتها عساها البعد بين الناس ـقيـل وقـالـ=
تجيـب الهـرج وتودّيـه .. والفتنـة تكوّنـهـا
ولا أعمم لأن الخيـر فـي بعـض البشـر لازال=
وكـم مصيونـة فـي بيتهـا والـرب صاينهـا
ولا يمكن يضحّي بالشرف والديـن بنـت رجـال=
لأن الطيّبة .. يحمي شرفهـا .. طيـب معدنهـا
عطاها الرب عقل ودين .. مافيها جهـل وخبـال=
نتيجـة قـوة التيـار مـا تخـلـف توازنـهـا
على زلة زوجها .. لـو يكررهـا وسيعـة بـال=
تحدث في المحاسن ... والعلـوم القشـر تدفنهـا
لها في مهجته منزل .. وله فـي قلبهـا منـزال=
تبادلـه الغـلاء .. ماهيـب خاينتـه وخاينـهـا
ولا ننسـى شبـاب إبتلـن بـه طيبـات الفـال=
تبـي العفّـة وستـر الحـال والداشـر يجننهـا
مريض وناقص عقله .. خفيف وتشعفـه الأزوال=
ومنيحه من ردى حظه .. ومـن خبثـه يحينهـا
نهاره نوم .. وإن جا الليل يسهر في ردى وهبـال=
ولا جاء الفجر جـاك يسحّـب رجيلـه مطيّنهـا
من آثار المخدّر .. كنّ في جوفه مـرض سـلال=
مـن التدخيـن كـنّ شفـاه .. بالنيلـة يلوّنهـا
ومنهم من تميّز بالنعومـة .. والظفـور طـوال=
وذيك القذلة اللـي مـن دهـون أختـه يدهنهـا
تحلـى بالإنوثـة مابقـى إلا يلبـس الخلـخـال=
يشـوف إختـه تجمّـل للعريـس وغايـرٍ منهـا
إلى منه هرج في المجتمع .. جات الهروج هزااااال=
يـدوّر للرخامـة ... والمراجـل مـا يواطنـهـا
يضايقه الآذان ... ويطرب الداشـر مـع المـوّال=
قضى ليلة مع الشلّـة .. وبنـت النـاس هاينهـا
ولا أعمـم لأن المجتمـع لازال فـيـه أبـطـال=
وترى الدنيا من أهل الطيـب ماخليـت مخازنهـا
رجال تلتـزم نهـج الرسـول وللحمـول جمـال=
ولا يخرج حديهـم كلمتـه .. يـا كـود وازنهـا
ولا ننسى قضية من مسكها لاجـل حـب المـال=
لاجل المال .. وصلت بنتـه الخمسيـن راهنهـا
يبيع ويشتري فيها .. كما السلعـة مـع الـدلال=
يبي ينظر من اللـي يدفـع أكثـر مـن زباينهـا
ترى هذا ومثلـه فـي المجالـس عـدّه الفنجـال=
جزى اللـي علشـان الطمـع .. بنتـه يخزّنهـا
إلـى جـوه رجـال طيبيـن الديـن والأفـعـال=
يحوّلهـم علـى أم البنـت والخايـب ملقّنـهـا
تقول : أبغى المهر اللحين نقد ريال فـوق ريـال=
نبي فـوق الميـة مـن غيـر حاجـات تأمنهـا
تحتـه ليـن يبقـى راس مالـه غتـرة وعقـال=
يـدوّر الدداسـن فـي المـعـارض ويتدينـهـا
ألا وآشيب راسـي شاخـت النسـوان والأنـذال=
ولا يعتـزّ جيـل .. شيّـخ الحرمـة ومكّنـهـا
أنا مانيب شامت .. بس أبيّن واضـرب الأمثـال=
لعـل أهـل العقـول الطيبـة .. تـردع مجننهـا
أبحـاول عـلاج عـصـر الــدش والأهــوال=
وناس ماتبي تسمـع كلامـي مـا علـيّ منهـا
يقوله واحـد يخطـي مـع التفريـط والإهمـال=
ولكن فـي رجـا الرحمـن لا صعبـت يهوّنهـا
إلى منا هوينـا فـي المقابـر والحمـول ثقـال=
وبدينـا فـي حيـاة الآخــرة وأول مساكنـهـا
وجاء يـوم عبـوس قمطريـر يشيـب الأطفـال=
نهـار فيـه نـاس يفرحـون ونـاس يحزنهـا
ورود النار هـذا شـيء ثابـت ماعليـه إشكـال=
ولكن النجاة اللـي تبـي .. مـا حـد بضامنهـا
تسمّع يا وسيـع العـرف لاتجهـل مـع الجهّـال=
أبعـرض النصيحـة وانـت ياجعلـك تثمنـهـا
تخيـل يـوم ينقطـع النفـس وتضيّـع الآمـال=
ونفسك عن هجوم المـوت مـا تقـدر تحصّنهـا
ولا ينفع ولدك ولا ولـد عمـك ولا إبـن الخـال=
مسجّـى والمكفـن عـنـد جثمـانـك يكفنـهـا
ألا يـا الله يـا اللـي بيـدك الأرزاق و الآجـال=
ولا للنـاس غيـرك .. رب يرحمهـا ويأمنـهـا
تجاوز عن خطايانا إلى مـن عرضـت الأعمـال=
نهـار فيـه نفـس العبـد مـا يجـدي تغابنهـا
عراة ما علينـا لبـس .. وحفـاة بـدون نعـال=
نهـار فيـه يجمـع ظالـم الأمـة ومحسنـهـا

الشـاعـر الشـيـخ / راجـــح العـجـمـي
المـلـقـب بـ( شــاعــر الـتـوحـيـد )

[بندر المطيري]

عساك عالقوه اخوي شبيب
انا القصيده حافظها كلها بس انا ودي اسمعها بصوت الشيخ راجح ريل بلاير
و بخاطري انك تحطها وانا اخوك





بندر المطيري