يانـود هبـي بالهبايـب نسانيـس

[محـــ العجمي ـــمد]

بسم الله الرحمن الرحيم

السلام عليكم ورحمة الله وبركاته

يانـود هبـي بالهبايـب نسانيـس=ويانحلة الاشعـار بالشهـد ذوبـي


يوم القصايـد نابيـات ومراميـس=قصيدنا عنـد الاصيـل محسوبـي


بيض الحبـارى مايفـرخ قرانيـس=اسمع كلامي وارفع العين صوبـي


والنـور ياشحـه بليـل الحناديـس=الله ولا وبـاب ٍ يــزود ذنـوبـي


مره يجي في ثوب وحش البحر نيس=ومره يجي مثل الهـوى والهبوبـي


وضاع النقاء بين اختلاف المقاييـس=وساق القدر الايـام تقفـل دروبـي


ياتاج كسرى وانت ياعرش بلقيـس=كرامتـي ماساومتـهـا جيـوبـي


اعف نفسي واسبر الدرب واقيـس=واحاول اصحح خطـاي وعيوبـي


ايوالله اني من بدو (..درّهم..) عيس=داري جنوب النجـم وانـا جنوبـي


من لابةٍ تظهـر نهـار المقابيـس=الجد يامـي درع يضفـي جنوبـي


لامن ضرب قرن الشياطين ببليـس=مثل الرعد فزعاتهم فـي القلوبـي


كسابـة العليـا كبـار النواميـس=لطامـة العايـل دهـاة الحروبـي


وانا احمد الله ماخذتني الهواجيـس=واثق ولاهميـت مـن عذربوبـي


واللي على درب المراجل مفاليـس=من بعد هذي قلـت يانفـس توبـي


صفوا الصفوف ومقدم المرجفة هيس=وانا لحالي واركـز احيـان ثوبـي


وان زاد جمع الدنفسـة بالدنافيـس=يبطـون والله بالغـدر ماغـدوبـي


ماعيش عيشة ليل خلف الكواليـس=يدرون بـي ولا عسـى مادروبـي

[حســـن آل صليع]

الله يعطيك العافيه ولاهنت على هذه القصيده
اللي احييت فيها ذكرى الشاعر المرحوم ( عبدالهادي الخليوي )
احد ابناء قبيلة آل صليع والذي اجاد كثيرا عندما كتب هذا النص

وانا ارى ان موقع هذا النص في الشعر العام ( المنقول )
وشكرا لك على اختيار نص غالي لشخص غالي
رحمة الله عليه رحمة ٍ واسعه لا تنتهي


مودتي لك

[king الوادي king]

لاهنت يامحمد على النص وجعلك تسلم على كل حال

[فيصل بن معضد العجمي]

صح لسانك

كفو

[ناصر ال صليع]

صح لسانك ولاهنت على النقل