مدري .. من اللي درّسـك جعله يمــوت *** أبن فطيــــس

[مغتـــــرب]

السلام عليكم ورحمة الله وبركاته




من روائع ابن فطيس



يا شيـن طبـعٍ فيـك .. يا زيــن الأطبـاع
..لولا الرجــاء .. ما كان خلّيته .. يفـوت

سَـنَـع .. يشـوّه لا تـذكّـرتــه .. أسـنـاع
مثل الحصاة .. اللي وسط عقد ياقــوت

تخـفي هيـامـك .. وإنت ميـّـت وملـتـاع
.ما تـدري إنه في ملامـحـك .. منـحـوت

ويبخل لسانك .. وإنت للسمع .. طمّـاع
والبخل .. في سِلْم المحبيـن .. ممـقـوت

الحكي .. قوت السمع / وأسامعي جياع
ومسامـعي ماتت من الجـوع .. للـقـوت

وحكي الغزل في صدرك أشكال وأنواع
لكن صمتك .. حوّل الصـدر .. تـابـوت

إلا طَلَبتـك وصـل .. صعّبـت الأوضـاع
مدري .. من اللي درّسـك جعله يمــوت

تصـد .. ما كـنّـك من الصـد .. مـرتـاع
.وإن قلت : يا القاطـع .. تلفّـت مبـهـوت

أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخوت

وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت

اسمع أشعاري في الهوى وارخ الأسماع
ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت

[عافكـ الخاطر]

وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت

الله الله
مبدع ياالمحيط الهادي

صح لسانك ملياااااااار

ولاهنت على النقل ويبض الله وجهك ياخوي مغترب

["..عـَـذْبـًة الأطْـبـَآآآآع.."]

وعليكم السلام ورحمة الله وبركاته ,ْ~


صح لسـآن بو حمد ,

والله يعطيك العافيه على النقل المميز


لاهنت

[العيطموس]

الله الله

ابدااااااااااااااااااااااااااااااااااع

وصح لسااااااان ابن فطيس



ويسلم ذوووووووووووقك



تقبل مروري

[فهد بن حبنان]

قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت

صح لسأأأأن شأعرها
ولاهنت على النقل

[ترانيم السكون]

روووعــه هالقصيــدهـ
يسلم إحسآسكـ على روعة الإنتقآء

لاعدمناك..

[فلاح بن سويري]

لاهنت على النقل

ويعطيك العافيه

[مغتـــــرب]

المشاركة الأصلية كتبت بواسطة شاي نثري

وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت

قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت

الله الله
مبدع ياالمحيط الهادي

صح لسانك ملياااااااار

ولاهنت على النقل ويبض الله وجهك ياخوي مغترب

مرحبااا ومسهلا شرفني مرورك

[زينه]

يعطيك العافيه عالابيات الروعه ,,,

وصح لسانك ولسان شاعرها ,,

لاهنت ,,,

[قبلة العذارى]

مغترب



انتقاء رائع


صح لسان ابن فطيس .. وسلمت ودمت


تقبل مروري