هي من القديم.. الجديد..
اتمنى ان تحوز على رضاكم ..
فدى عين الوفا باكتب خواطر للسنين الطوال
ولا أظن الوفا بعده ترك طاري يسليني ..
وفدى ليلٍ غرس فيني شعر واستغفله بهبال
وأشوفه من البكا يضحك يبرر غربة سنيني
تعبت استوحشك غربه وصرت من الشفق رحال
وتعب مسقبل فراقي .. على غدرك يوصيني
وش أخباري .. لك اخبار حقيقه ماتسر الحال
لو تشيب اطراف صدري صيّحن كلن يبيني
ولك طعون مني لك وسوالف ماطرت عالبال
طعنتك من وراى ظهرك ولا اظنك تلوميني
ياويلي بس لو تدري عن اللي بالخفا قتّال
اخاف اني انا اتذكر وفاك وتنكسر عيني
اخونك ايه .. ولا انكر .. خيانه هزها زلزال
وجمعت من الخيانه جيش اقسمهم على ديني
قرصتك بس ابي منك اساوم طيبك القتّال
وابي تصيحين من غفله وطيبن كبّل ايديني
جيتيني على النيه بنتٍ طيبها بخبال
تشوفيني انا الدنيا وكل همك تراضيني
قلت لك ما استاهلك.. وقلتيلي كلام اطفال
تعبت اتحايل بذنبك ابي منك اتصدقيني
كابرتي على نفسك وصرتي لي هموم ثقال
غلطة عمرك المبلي يوم انك تثق فيني
ذبحني قلبك الطيب عجز يتحمله رجال
وتعب طفلٍ وسط عينك يقول انك نسيتني
تبين تعاتبين بصمت..؟ تعالي وعاتبي باهمال
تعالي واحرقي جورك مو انتي اللي جنيتيني.؟
مو انتي اللي جبرتيني على ذا الطريق العال
بعد ماغبتي عن عيني وصرتي وينك وويني.؟
مو انتي اللي بنيتيني وسط عين البشر تمثال.؟
انا وش ذنبي يوم انك بنيتيني وهدمتيني ..
انا لو نصيبي تاه .. وتوهني مع العذال
حرام اني لاسد بابه ولا اشوفك تخونيني
صدفت بغربتي بنتٍ تدفن حظها برمال
تذكرني ببدايتنا ويوم انك عرفتيني..
اشوف البنت تغليني وتحضني بهموم ثقال
تسميني انا الدنيا مثل مانتي تسميني
وتسالني اذا اغليها .. واهز براسي الميال
واحس بخاطره ينطق امانه .. لاتخليني
وفاضت دمعةٍ منها على حده حكي ينقال
طلبتك يابعد عمري.. انساها وحس فيني
وترجع تبكي بحسره .. شربته دمعها بنفجال
تبيني اشتاق ضمتها مثل مانتي تضميني
تعالي يابعد همي ابنسى بشوفتك غربال..
تعالي انعيد هالقصه وعلى كيفك اتربيني
تعالي وعيني بعينك .. ولكن طالبك بالحال
واذا مكتوب لنا نرجع .. امانه لاتحبيني
مشعل العنـــزي
13-01-2010, 08:04 PM
العرض المتطور
