غيرة أمرأة

[محمدالعاصمي جده]

غيرة المرأة



الروايه على ذمة البنت اللي شافت الموقف


تقول : وأنا أصلي بالحرم الا بذيك الحرمه الكبيره بالسن اللي تصلي وتبكي


تصلي وتبكي وتدعي وتبكي


انا استغربت منها وقلت اكيد لها سالفه وكان كل مابين فتره يجيها ولد شاب يكلمها ويروح ويشوف وش تبي


انا اخذني الفضول بصراحه وجلست بجنبها وسألتها ليش تبكين عسى ماشر


قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني


ليش؟ وش السالفه؟؟!!


قالتلي اقولك قصتي وبعدين احكمي


كنت متزوجه من زوج ونعم الازواج يحبني ويحترمني ويعزني


بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت احن واحن الين وافق


فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي





المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه






في يوم جاني زوجي وقالي بسافر مع مرتي الثانيه وبنخلي الولد عندك


ووافقت طبعا لانه مافي احد يمسك الولد غيري


سافروا وخلو الولد عندي وكان الوقت شتا وكنت شابة الجمر


والولد عمره تقريبا سنه وكم شهر وهو يلعب ويطامر قدامي


وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد


وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث


وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره


هو اللي يشوف طلباتي وطلبات البيت ومو مقصر معاي بشي


بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده


ولازلت اعاني من العذاب وتانيب الضمير وادعي ربي يغفرلي ذنبي


سبحان الله وشلون حكمة ربك انه صار خير لي لولا هالولد كان انا حالتي حاله


ويرد يجيها الولد وهو مخبي يده ويحب راسها ويسألها






هـــــــــــــــــــــــــــــــــــــــــايالغالي ه نروح الحين




(وعسى ان تكرهوا شيئا وهو خير لكم)


لا أخفيكم أنني تأثرت بالقصه

فنقلتها لكم من إيميلي

أحبــــــــــكم جميعــــــــــــــــا

[ناصر بن فهد]

ياسبحان الله

يعطيك العافيه اخوي محمد على القصه المؤثره

[جرح العنا]

سبحانه يعلم ولا نعلم.. ويقدر ولانقدر ..وهو علام الغيوب...

الانسان مايعرف ان الخيرة فيما اختاره له ربه..

لاهنت ع القصة يعطيك العاااافيه اخوي محمد..

[محمدالعاصمي جده]

ناصر بن فهد
جرح العنا

أشكركم لمروكم .......








أحبـــــــــــــكم جميعــــــــــــــا

[الصديعه]

الله يغفر لها .الله سبحانه ما يحلل شي الا وهو عارف انه خير صدق تموت المرة غيرة بس شتسوي شي حلال من الله محد له كلام والله اغلب عيال الرجل انهم يجي فيهم خيرما نعمم بس الاغلبيه
واله اني اذكر قصه وفيه لها قصيده اظنها(ولد العسكريه)معروفه هي انه رجال عنده مرة من الاولين وعنده ولد من مرته واعرس عليها بوحده ينقال لها العسكريه وانذبح ولد الاوليه
وجابت العسكريه ولد وقامو النسوان خشو سالفة ذبح اخيه عنه عشان ما ياخذ بثاره خايفين عليه ويوم كبر ويسمع حكي من العرب انه له اخ مذبوح ويقعد ورا السالفه لين جاب ذباح اخيه وجاه وحطها في راسه وعود للنسوان امه وعمته وقالهم خذيت بثار اخي واتقوم ام الولد المذبوح(الاوليه) وتحط قصيده فيك يا ولد العسكريه وخذا امه وعمته وشدو واوووووووبس سلامتكوووم
يسلمك ع القصه:d

[محمدالعاصمي جده]

الصديعه





أشكرك

["..عـَـذْبـًة الأطْـبـَآآآآع.."]

.
لاهنت على القصه المؤلمه

[محمدالعاصمي جده]

عذبة الاطباع











شاكر مرورك .... نورتي::

[عجز من تحداني]

القصه مؤثره حيييييل
تقبلي مرووووووووري

[نجمة الصبح]

سبحان الله

مشكور أخوي على النقل