وجدي وجود اللي غدا عظمه كسيـر
والاّ صويب الحرب مآله مـن يجيـر
من سبة اللي طاعـنٍ قلبـي غـلاه
اُخذ الهتيمي من بعد صـوت النذيـر
ياصاحبي ياصاحبـي يأجمـل بشـر
لبيـه يالبيـه مـن عـادك غريـر
في كبد محمـودٍ سهومـك غايـرات
مضرابهـا بيّـن ولابـان المطـيـر
من سبتـك عينـي تهـل دموعهـا
مافاد دمع العيـن يالشيـخ الضريـر
لي زل ثلـث الليـل جفنـي مارقـد
قمت اتحرى ركعـة الثلـث الاخيـر
وادعي عسى ربي يهـوون ماجـرى
والظاهر أنّه حـان تقريـر المصيـر
مادام فرقانـا علـى وضـح النقـى
ماشانـت النيـه ولاخـان الضميـر
فالله يسهـل لـك دروبٍ مقـبـلات
والله يـدل خطـاك للنهـج اليسيـر
والله يحقـق لـك امانيـك الجـداد
ويصد عنك الشـر والأمـر الخطيـر
يالله عسـى دارك مربعـةٍ عـمـوم
مسقيةٍ من صـادق الوبـل الغزيـر
وتعيش يالمجمول في خيـر وهنـاء
على كتـاب الله تلقـى لـك خشيـر
ويصون عرضك عن هروج القارضين
اللي سوالفهـم كمـا نـار السعيـر
ماعاد لي حق اصفـك باقـف هنـا
وانا عليك يقودنـي سلـك الحريـر
معزتـك فـي القلـب تبقـى ثابتـه
أشهد شهادة حق بأن قـدرك كبيـر
لأنـك معودنـي علـى تامـر امـر
قبـل اتكلـم هيبتـي هيبـة اميـر
وتقول لي محمود تسمح لي شـوي
وأنا لهمس اشفاك حثيـت المسيـر
لبيه::قلتي لي من ظـروف الزمـان
حل المـوادع والله يعاوضـك خيـر
يالعنبـوك انتـي بهرجـك صادقـه
قلتي نعم والسر يدفـن وسـط بيـر
قلت ابشري ياجعل يومـي لـك فـدا
ماتطلبين يصير لـو هـو مايصيـر
قمـت اترقـب كـل يـومٍ ينتـهـي
موتي لمنها مآلـت الفيـه عصيـر
احس قلبي طار مـن بيـن اضلعـي
ياطعنة الشلفى على الضلع القصيـر
خذيت شهرينٍ وعشـرٍ مـن شهـر
لاطعت نصّاحي ولا اسمـع للشويـر
خذيت شهرينٍ وعشـرٍ مـن شهـر
وانا بماضي صاحبي مثـل الأسيـر
خذيت شهرينٍ وعشـرٍ مـن شهـر
وانـا اتحـرى مدتـه مثـل الفقيـر
صحيت من عشق العذارى المترفـات
لاعاد به بنـدق ولا سيـفٍ شطيـر
اسمع يـاراسٍ ماتعـودت الخنـوع
يـاواردٍ للعـد والعـالـم صـديـر
بادلّهـك وانـا زبـون الحايـنـات
ابغى البشاره واستمع قـول البشيـر
العشـق نـاره نـار تطفيهـا بمـا
ذكرك لرب البيت وادعـه واستخيـر
والطرف غضّـه لأن عيونـك لارأت
غروٍ تعـزّل مقدمـه وصفـه مثيـر
ياولله اللي ضاعـت التوبـه علـي
تسكرت الابواب في وجـه البصيـر
رجـلٍ اقدمـهـا ورجــلٍ ثابـتـه
عيـنٍ تناظـر بـه وفكـرٍ يستديـر
اجمع شتات الفكـر وابنـي واهـدم
واحلم بمجلاسي على كرسي الوزيـر
واظن شعري فـآق شعـر النابغـه
صاح الفرزدق واَدمعت عيَنيّ جريـر
يشوش راسي من صهيل الصافنـات
آنير وارجع وانثني وابـدي وآغيـر
وانا على مركى الشهامـه مجلسـي
وليا وردت ارد على الجـم الغزيـر
فيلّـي توادعنـي ودمعـك ساكبـه
اسّين لاتبكـي تـرى حزنـي مريـر
مقبول عذرك قبل ماتنطـق بحـرف
لاتذكـر الاسبـاب يالوجـه المنيـر
ياصاحبي ياصاحبـي يأجمـل بشـر
لبيـه يالبيـه مـن عـادك غريـر
13-05-2010, 12:14 PM
العرض العادي
