لا غبت عن بيتي عليه الف اماني ....

[عميد ال عنقان]

السلام عليكم ورحمة الله وبركاته

عسى ان يكون اختياري موفق ..
الله يسلمكم هذا محيا بن رباح الطايلي من قبيله عتيبه رجل كريم بطبعه مع انه فقير ومايملك الا عدد قليل من الماعز اللي هي اصلا ملك لزوجته واللي هي بنت عمه
وحدث في مرات سابقه ان هو ذبح وحده من الماعز لضيوف عنده فرفعت زوجته صوتها مما احرجه امام ضيوفه وتكررت هالسالفه كذا مره
المهم في يوم صار عنده ضيوف ولهم مكانه في قومهم وخاف ان تفضحه زوجته قدامهم فقال لها ان تذهب لعمه ( والدها ) وتطلب منه ذبيحه وقال لها قولي له : نخاف نذبح العنز ويزعجنا ثغاؤها
ووالدها كان علي بعد عشره كيلومترات
وما ان رحلت زوجته حتي قام محيا وذبح له ماعز وطبخا واكرم ضيوفه
الاب عاد الله يسلمكم كان يعرف سالفه بنته وبخلها وان زوجها صابر عليها لكرم اخلاقه ومجامله لعمه
كما فهم ان ثغاء العنز بقصد به صوت بنته
فقال لها ان الدرب بعيد وزوجك بيدبر اموره
وامسكها عنده وكان عنده بنت ثانيه اخلاقها فاضله وهو يرد الخطاب عنها
فارسل الي ابن اخوه يطلب طلاق بنته وزوجه اختها بعد مده

فقال محيا هالابيات بعد زواجه من الاخت


الله خلقني واعتني بي عن الضيق..........والفقر عن سلم العرب ماحداني
ماقط مني راح ضيفي علي الريق.........ولا شان وجهه يوم شان الزماني
والله رماني من خيار المطاليــق.............. اللي عطيته عنز وهو عطاني
عطاني اللي به كثير الذهب سيق..........بنت الشيوخ اللي تعز العواني
الله موفقها علي الخير توفيق............لا غبت عن بيتي عليه الف اماني


منقووووووووول