قصه وقصيده ؛صيد الحيه واربط فمها

[راكان اليامي]

رجل تزوج علي زوجته القديمه ومضت فتره علي زواجه الثاني

وحس الرجال انه زوجته الثانيه فيها بلا يعني ما تحسسه بحبها له


يعني من تزوجهاا والمره ما تضحك له ولا حتى شاف شي من جسمها

الا فترات بسيطه يعني شي مايذكر

والرجال قام يشك بزوجته انه يمكن تحب غيره ومن هالكلام

راح حق مره ( امراه ) كبيره يعني مشهوره بالذكاء والحكمه


وعلمها بسالفته وشارت عليه انه يصيد حيه ويربط فمها

ويخليها علي صدره ويسوي نفسه ميت

وفعلا سوا اللي قالت عليه المراه


ولما وشافت رجلها حاولت تقعده وتشوف الحيه علي صدره قالت مات خلاص

فقامت تصيح فقالت ابيات

يازيد رد الزمل باهل عبرتي=علي ابوك عيني مايبطل هميلها

اعليت كم سابق قد عثرتها =بعود القنا والخيل عجل جفيلها

وعليت كم من هجمتن قد شعيتها= صباح والا شعتها من مقيلها

وعليه كم من خفرت في غيا الصبا = تمناك ياوافي الحصايل حليلها

سقاي ذود الجار لاغاب جاره =واخو جارته لا غاب عنها حليلها

لا مرخين عينه يطالع زولها = ولا سايلن عنها مستسيلها

وبعد هالصيحه وهالقصيده عرف انه ما في بالها احد وانها تحبه


وعلمها ليش انه حط الحيه علي صدره

فزعلت عليه يوم انها درت انه بس بيختبر حبهااا له

واقسمت انها ما تكلمه الا اذا كلم الحجر الحجر والعود يكلم العود

واحتار الرجل لانه الحجر عمره مراح يكلم الحجر ولا العود يكلم العود

ورجع للمراه اللي استشارها اول مره وعلمها باللي صار معاه

وقال له ما عليك الا انك تجيب لها الرحى وهذا يعني الحجر يكلم حجر


وتجيب الربابه واللي هي عود يكلم عود

وهذا عن يمينها واذا تبي ترجعلك ترجعلك

وجاب الرجال اللي قالت عليه العجوز


وردت المياه اللي مجاريها .. وعاشو في سبات ونبات وخلفو صبيان وبنات


اتمني اني ما طولت عليكم واتمني انها اعجبتكم

[ابوحمد الشامري]

لاهنت ياابو سالم على القصة والقصيدة الرائعة فعلا الاخلاص والحب مايظهر الا في وقت الشدة ولا الرخاء كلن صديق وكلن حبيب.

ومثل ماقال الشاعر:

انا خويك في الليالي المعاسير= ولا الرخا كلن يسد بمكاني

ابوحمد الشامري

[حبيب]

راكان لاهنت على االقصة والقصيده

والله ان العجوز ماهيب هينه (ذكيه)

تحياتي

[راكان اليامي]

اررررررحب يابو حمد ولا انت يالغالي وتسلم على الرد

[راكان اليامي]

اررررررررررررررحب ياحبيب وتسلم على الرد يالغالي

[العساس]

مشكور يالسنافي وعزالله انها قصة حلوه

[راكان اليامي]

ارررررررحب يالعساس
واهم شي نالت على اعجابك ياذيب

[العماني]

لاهنت يا راكان على هذه القصة الشهيرة وانا كنت مضيع الأبيات وانت جبتها الله لايهينك.

تقبل تحياتي،،

[ابوتركى]

راكان لاهنت على االقصة والقصيده

يعطيك العافيه

[راكان اليامي]

اررررررررحب يابو مبارك ومن قال مايهان
وتسلم على الرد يالغالي