## .. ( قصيده مختاره ) .. ##

[محمد أبو زيد]

مسّاكم الله بالخير جميع .....


قصيده مختاره .. للمبدع / مدغم أبو شيبه

ياوجودي وجد من نفسـه جزوعـه = باقـيٍ فيـهـا عـلـومٍ مانستـهـا

لابغى عن سجتـه ينسـى دموعـه = مرتـه ذيـك العـلـوم وحولتـهـا

واشعلت نارٍ حطبهـا مـن ظلوعـه = تاكل اللـي فوقهـا واللـي تحتهـا

كل ما اذكر من خذت قلبي قطوعـه = واقتفاهـا النـوم وعيونـي قفتـهـا

جوخةٍ من متـن ابوزيـد مخلوعـه = لو درت عنها السلاطيـن اسرقتهـا

ظامـرٍ سرجوفهـا كنـه بجـوعـه = ماتفـرق بينـه وبـيـن ارقبتـهـا

كنهـا ظبـيٍ قبـل ظلـه يـروعـه = باقـيٍ فيـه التفاتـه مـا التفتـهـا

اسم ابوها (اللي يحطه تحت كوعـه) = واسمها (اللي تدرسه في مدرستها)!

ماتعلـى فـي الخيـال ولا فروعـه = غيـرهـا .. ولا تـبـوأ منزلتـهـا

كن عمري من سبوعـه لا سبوعـه = تنظمه نظم الخـرز فـي سلسلتهـا

تجمعـه لاشعشـع سهيـل بطلوعـه = وتنثـره لاحتـت الارض ورقتـهـا

همه اشـرب دلتـه وآكـل قدوعـه = من ظوتني ليلـة السبـت وسرتهـا

روّحـت وفـوادي الفرقـا تلوعـه = ماحسدت الا البسيطـه فـي سعتهـا

القناعـه كنـز للنـفـس القنـوعـه = مابقى الا روحي وروحـي خذتهـا !!

ليتها مرواح مـن يرجـى رجوعـه = كان ماغمضت عينـي مـن جهتهـا

والضياع اللي طبوعي مـن طبوعـه = ابـركـات الله علـيّـه وابركتـهـا

ضاع عمري من سبوعه لا سبوعـه = مابقـى الا ليلـة السبـت وسرتهـا

وسلمتــــوووا

[معرّب الجدين]

صح لسان قايلها وكاتبها وقاريها
اختيارك اكثر من رائع 0000 تقبل تحياتي

[حبيب]

شديد الباس صح السانك والسان السبيعي

لاهنت على النقل


تحيايتي

[اطياف الماضي]

صح لسانك شديد ولسان الشاعر

يعطيك العافية على اختيارك الرائع

تحيتي

[عـزام]

يا سلالالالالالالالالام على الاختيار يا شديد

اختيار جزززززززززززل

صح الله لسان مدغم ابو شيبه

وتسلم يمناك لا عدمناك

[سند]

شديد

أختيار رائع ولاهنت يا السنافي


تقبل أطيب تحياتي,,

[السنـــــافية]

صح لســـانك ولسان مدغم ابوشيبه

وتسلم على الاختيار الحلو

[الباشا]

صح السان قايلها ولا هنت على النقل
شديد الباس

[مـحمـد]

لاهنت يابو ناصر على النقل الجميل
صح لسانك ولسان الشاعر قصيده رائعه .

[sohab]

السلام عليكم ورحمة الله وبركاته



يا سـسسسســــــــــلا م............. هاذى ايسكريم شعر

تسلم ياشديد الباس وصح لسان الشاعر