|
قصه حزينه جدا الغربه وخيانه الاخوياء
أعزائي لم أكن أود نشر هذه القصيده , ولكن لألحاح صديق عزيز قمت بنشرها وعندما قررت نشرها 0
لم اجد ماهي المقدمه التي أكتبها عنها الى أنها قصه واقعيه لبعض الأصدقاء الذي كان ينصحني منهم الوالد أطال الله في عمره 0ولكن هذه جزاء من لايسمع النصيحه
زمان الاسيه
يامال قلب(ن) من لظى خافقه ذاب=كما يذوب الجمر في نار حيه
أصبح رماد أن هبت النود ينساب=وتلعب به الأنواد في جرهديه
كثرت طواريه وهمه وينتاب =دنياه حزن اليا ذكر دار حيه
وعن مايبعد ظيقته والكدر طاب =وطابت عيوني عن منام البريه
والدمع يحرق وجنتيني والاهداب = الله يعينك يالعيون الشقيه
ظيق والأوهام توارد لي أسراب = والشوق يلحق كية البعد كيه
وان ظقت من همي ومن فرقا الاصحاب = أذكر وراي انسان يسوى سريه
والي ذكرته تنجلي عني الاتعاب = وأقول باقي يازمان الأسيه
اللي رقا بالطيب والعز مرقاب = عانق سهيل بمرقبه والثريه
هذاك(أبوي) اللي ليا غاب ماغاب = عن شاشة التفكير ذكره وغيه
نصايحه صارت كما الذخر بجعاب = ولا القمر في ليلة(ن)سرمديه
أذكر قبل مانوي السفر ظاقت رحاب = الكون كله بي والأرض الخليه
نادا وقال أشفيك ظيق ومرتاب = لاتهم ونا (ابوك) دنيا دنيه
قبلك وش اللي شاب راسي وانا شاب = غير الدهر وأحكامه العنجهيه
لين أقتنعت أنه مقدر وبكتاب = وظفرت بأربع هي شداد المطيه
هي مكسبي لي قالو فلان وش جاب = وهي ذخري أن هبت رياح(ن) عتيه
الطاعه لرب الملا رب الأرباب = والطاعه لخير العباد اوصيه
ونصرة الداعي مع أصحاب الألباب = وخوة رجال(ن) لي أعتنزت اجوديه
اسمع كلامي ياعلي ذقت الأسباب = واسقتني الدنيا مرار المنيه
وشربت من فيض اليالي بمشراب = ولا لقيت أكدر لنفسي عليه
انك تجي للي معاديك طلاب = ويلحق عطاه المن ولا الأذيه
وحملت حمل(ن) عانته علط الأرقاب = وازرت تشيله واحتملته بديه
ولا لقيت أثقل لعطران الأشناب = من الديون أن مابها مقدريه
وسافرت مع حكم المقادير بركاب = ولقيت ماللصاحب الا خويه
ولا لقيت أقسى من الرجل لي عاب = في صاحبه من دون ذنب وخطيه
فلا يغرك فالرخا بعض الأصحاب = وقت الرخا كلا يمينه سخيه
وان بار وقتك فيك والوقت غلاب = بتبين لك كل النوايا الخفيه
ان هملك ربعك وجافاك الأقراب = قل (واعلى الدنيا سلام وتحيه)
واليوم انا في غربتي طحت منصاب = وين الصديق؟ بصدق قلب(ن) ونيه
خاب الرجا والظن في بعضهم خاب = ولا صدق غير العزوم القويه
من كان صادق لي غدى اليوم كذاب = واللي ظحك لي اليوم يظحك عليه
وكل الوجيه اللي تبسم لي بناب = بالناب الآخر اصبحت سم حيه
هذا وان اللي لجلهم كنت ماهاب = لو ازهموني سقت للحرب هيه
فالبرد اصير لهم مذري وجلباب = والقيض نو(ن) هل يحمد وليه
ويمناي مثل السيل وهم تحتي شعاب = أروي ظماهم لي طلبوني عطيه
اليوم صار ضدي احزاب واحزاب = ويلاه راعي الطيب اصبح ظحيه
هذا الخوي اش عاد لو رحت لاجناب = ماظن باقي فالخلايق حميه
كنت احسب انهم فالقسا ستر وحجاب = والجالهم لي جار وقتي عليه
ماكنت اظن اني ارم رم لي خراب = ارم رم خراب(ن) اساسه ونيه
لكن مدام انهم تمنو لي غياب = وصدو فأنا نفسي عزيزه ابيه
والله والله ماحسبت لهم حساب = مراحهم عندي سوى مع مجيه
بصك بابي دامهم صكو الباب = وعهد(ن) لجازي كل سيه بسيه
وذا قدرهم ياقلب ادفنه بتراب = واطلق حجاجك ترى الدنيا دنيه
التعديل الأخير تم بواسطة فيصل بن حجرف ; 31-05-2005 الساعة 02:23 PM
|
31-05-2005, 02:05 PM
العرض المتطور
