مشكور ياللي ذبحت سعود بغيابك = طوّل غيابك وطيفك مابعد غابي
مشكور مشكور ياللي جارح احبابك =اسهرتهم وانت جفنك للكرا طابي
صدقت منهو معي ياما تحاكابك = هو نفسه اللي معك عنـّي تحاكابي
ليتك قبل ماتجافي بادي اعتابك = من شان توضح معانا كل الاسبابي
لاشك سكرّت دوني يالغلا بابك = وانا توّذا بنوحي كل مرقابي
درب ٍ جمعنا يليته كان ماجابك = ماكان قلبي جريح الحب منصابي
وماكان ليلي وصبحي بالسهر شابك = ولا تعطـّبت من تفكري اعطابي
افجعت منهو ترك ناسه وهلاّبك = يوم ان شبابه من التحطيم بك شابي
لحظة ثواني! تهـّدم عام مزهابك ؟ = مصيبة ٍ لاجلها صلب الصخر ذابي
وش حال روحي هي اللي هزّها اغيابك = هديت حيلي وانا صابر على اعصابي
بس العذر كان موتي صار باسبابك = بقبر ٍ مواريه فوق وتحت الانصابي
ودامك كذا مختفي يازين بكتابك = وشلون قلّي بيصول صوبك اكتابي
وناب الدهر صادف ٍ عضه معا نابك = ودولاب هجرك صدف بالوقت دولابي
وسلامتكم
الشاعر / سعود رتيبان الجويّر
02-09-2005, 02:32 PM
العرض المتطور
