قصيدة تنشر لاول مره اتمنى لها التوفيق لتنال بعض الرضا ..
القصيده بالصوت :
نار الجفا
نار الجفا
لا رحمة ٍ في ذا الزمن , تنزل ولا اشفاقي = والحلم الاخضر في عيون الناس صار اشفاقه
حلم ٍ يضيع ويبتدي , حلمين ياخفّاقي = ويا الله عساها للنصر , راياتك الخفّاقه
وانتي بعد ياغايتي , ياساكنه باعماقي = أذكر تخيلتك هنا , غصت البحر لاعماقه
شفتك وفزّيت ارحبي , قلتي مرحب باقي = تبين وردي لهفتي ؟ , قلتي وقلبك باقه
قلت البطين اللي على , يمناك ورده فاقي = كل الورورد اليانعه , لاشك وردك فاقه
اجني على مالذ لك , وادري بذوقك راقي = والورد الاحمر من دمي , لونه ولجلك راقه
وادري تحبيني غصب , ماتقدرين افراقي = واقول قلبك باحرقه , واقسى , واسن افراقه
والقاك عود ازرق نقي , لو زدت فيه احراقي = كمبودي اصلي مايفوح , الا بزود احراقه
واشتم عطرك وانثرك , في زفرتي واشهاقي = واجـْـمعـْك في جوفي نسم , واحيا بجر اشهاقه
يامشعله نار الجفا , فيني وكل اشواقي = مايذبح القلب المولع غير , نار اشواقه
يا أول اخطوط الغلا , في دفتري واوراقي = الا انتي انتي دفتري , واملخـْـبـِطة اوراقه
ياساكنه غيبوبتي , وان قلت عقلي فاقي = لقيت في غيبوبتك , للعقل جوع وفاقه
أجوعك انتي واسهرك , واتجوع منـْـك احداقي = وارواك لهفه واذْكرك , والنوم يجفى احداقه
دامي أذكرْك ابحنان امك , ابحر اعناقي = اجل خلاص اعددتني , والقلب عد اعناقه
وانتي كذا , أعددت شعبا طيب الاعراقي = واذا خسرتيني ترى , صدام خسـْـر اعراقه
شوفي كبر مصيبته , تدرين وشو الباقي = وايبان مسروق الوفا , وايـْـبيـّن اللي باقه
من اول ان كان الغلا , طاقين زدتي طاقي = واليوم خليتي الغلا , يفتح اجهنك طاقه
يا آنسه مايستوي , شرّاب سم وساقي = ويستاهل الموت الحمر , من جابته لك ساقه
وان ماعرفتيني عدل , فزريع ذا معلاقي = واسمي جميل ولا رِحِم , من طاح من معلاقه
اما ارسمي لي من دمك , في دفتري واوراقي = رسم ٍ يخلّــدْه الزمن , والا احرقي أوراقه
وسلامتكم
جميل بن زريع
ولانزال القصيده :
نار الجفا
05-09-2005, 02:30 PM
العرض المتطور
