بسم الله الرحمن الرحيم
السلام عليكم ورحمة الله وبركاته
هذه احدى الروائع الشعريه للشاعر باااااري القوس
اتمنى ان تنال على استحسانكم
لو يجف الملح فجأه . . من شرايين البحر
وترجع اسراب الحمام اللي بعيد مهاجـره
لو تعاف النار ترقص فوق عيدان الشجـر
ويدمح المغدور غدر الغادر اللـي غـادره
لو سبع المعجزات اللي عرفناهـا عشـر
وشفتهن قدام عينك شوف عيـن باصـره
مانسيتك لو اموت مـن الغبينـه والقهـر
ولا سليتك والعيون بطيب خاطر ساهـره
لاتقول انسى وانا مالي على بعدك صبـر
خلني بس احتريك . . وخل قلبي خابـره
يحتري وان غبت عني من دقيقه لالشهـر
يحتري واللي تحرى في سواتـي عـاذره
لاتروح وتبتر الوصل وعناوينه . . بتـر
ثم يحاصرني خيالك فالمسا . . واحاصره
يابعد من طاف قلبي واعتكف به واعتمـر
يابعد حب كتمته . . . والعيون اتجاهـره
ياغرام شق صدري من ضلوعـي للنحـر
ولا قدرت افتَك عمري من يـده واناحـره
تلني لاهيب تلة لاصديـق . . ولا غـدر
غصب عني كني المسحور واللي ساحـره
مانفعني باس قلبي . . والشكاله والظفـر
التفت . . ولا لقيت عزوم قلبـي حاظـره
اكتشفت انك حظرت وغاب محظور البشر
واكتشفت ان الطبيعه لو تباها . . سافـره
ياكتاب فيه سر الحسن كلَه . . مختصـر
مايجيبك حسن غيرك لو يجيب محاظـره
لا تقول انسى . . ولا تهتم فيَ . . وتنتظر
ثم تغيب وتلحق اسراب بعيد . . مهاجـره
وان عزمت تغيب تكفى اجل شوي السفـر
لين ينشف في عروقي ملح بحرن خابـره
22-09-2006, 05:07 AM
[/img]
العرض المتطور
