الســلام عليكم .. كل عام وانتـــم بخيــير ..
من القـــديم المتــجدد .. ارجــو ان ينــال اعجابكم ..
الجروح اللـي تمـادت علـى الضلـع المتيـن = جـارك الله لاتهشـم الـعـزوم .. وتهشـمـه
حمّلتـه اللـي لـو يحمّـل القـاسـي يلـيـن= ومالـه الاّ يشيـل حملـه .. ويرخـي مقدمـه
وعرّضتنـي للمصايـب وانـا مالـي عويـن = ولابنيت من الأمـل .. حلـم .. جاتـك تهدمـه
وكل ماأدفنها .. غبن .. في ثرى الصمت الدفين= بيّحتهـا عقـدة ٍ فــي الضمـايـر محكـمـه
وكل ماأخفي لوعة الحزن فـي عينـي ..تبيـن= اثـر عيـن المهتـوي .. للشعـور مترجـمـه
وكل ماسجيت عن طيـف .. صافيـة الجبيـن= عارضتنـي ذكـريـات الـغـرام المجهـمـه
صرت مثل .. ابن المعرّي .. رهين المحبسيـن =رهـن جـرح الحـب .. والذكريـات المؤلمـه
وبين زفـرات المواجـع .. وجـرّات الونيـن= استوى جـرح المحبـه .. وجـوده .. واعدمـه
وبين جور اليأس .. مدري الرجا .. حالي رهين =مثل مسجون ٍ قضـا العمـر يرجـي المكرمـه
صابـر ٍ والله يعيـن العـبـاد الصابـريـن =وآتجـاهـل مايـكـنّ الخـفـوق ويكـتـمـه
ومـن بدايـات الولـه لـى نهايـات الحنيـن= كـنّ رجلـي عـن دروب المواصـل محرمـه
ولا طرالي مامضى .. أفـزّ لعيـون الضنيـن= واعتزي .. عـزوة شجـاع ٍ ربوعـه تزهمـه
آه ..ياوقـت ٍ مضالـي مـع الـدل الحسيـن = راح حلـم ٍ ماحلمتـه .. ومازلـت أحلـمـه .!
وآه ياام الزين .. والثقـل .. والعقـل الرزيـن= ملهمه .. لا .. وصفها فـوق وصـف الملهمـه
والمواهب دين .. واطبوعهـا .. طـلاّب ديـن= ومن جميع أرقا الطبايع .. خـذت طبـع وسمـه
وأحتوت عفوية الطفـل .. فـي نبهـة فطيـن= وانفـتـاح الأجنبـيـه .. بسـتـر المسلـمـه
لابدالي وجهها .. همـت فـي النـور المبيـن =في محياهـا بــروق الخـيـال المظلـمـه
ولا أنظرتني .. نظرة اعجاب .. بالله استعيـن =كنّ فـي نظراتهـا ..رمـح عنتـر .. واسهمـه
وثغـر ٍ أصطفـت مثانيـه بالـدر الثمـيـن= ورمـش عيـن ٍ .. علّـم اللـيـل مالايعلـمـه
وابتسام العطف في نبـرة الصـوت الحزيـن = قصـة ٍ لاهـل العقـول الفهيمـه .. مبهـمـه
والغلا .. لو ..للغـلا جـرّم .. ولاّ مجرميـن كـان= بعيـون الغـلا صـارت أكبـر مجرمـه
لاحكت قامت .. تسلّط علـى الهـرج السميـن= كنّهـا ..شوقـي .. يـلا قـام يسـرد ملحمـه
ولا تمادت بالسوالـف علـى شخـص ٍ ذهيـن= يستمـع .. ويكـرر الحكـي .. حتـى يفهمـه
ويش أوصف .. ويش أخلي .عسى ربي يعيـن= الحـروف بوصـف خلّـي .. تقـل مستسلمـه
الوكاد .. ان حبّهـا يزيـد مـن حيـن ٍ لحيـن= وساطي ٍ في القلب .. يجري مـع مجـرى دمـه
وحالف ٍ .. ماانسى غلاها علـى مـرّ السنيـن =كود تنسـى البـدو طـاري الربيـع وموسمـه
وكود ماتبقى جـروح ٍ علـى الضلـع المتيـن =وكود يسلـم مـن جـروح الزمـن لا تهشمـه
وســـلامتكم ..
31-10-2006, 09:50 PM
العرض المتطور
