ثنائي صعب يتكرر 
رديه جميله بحثت عنها في منتدى العجمان وللأسف ماعينتها 
ووجدتها في أحد المنتديات .
بداها ضيدان بن صبحان اللزيزي العجمي :
هنيتكم من قلب ياللي تنامـون=وانا قزت من لذة النـوم عينـي
ننطر من الغالي يجينـا تلفـون=وحنا على حسب الطلب جاهزيني
لولا الزقاير يا سعد واشقر اللون=ومشاهد اللـي مثلكـم طيبينـي
في مجلس ٍ مافيه حاقد وملعون=ولا فيه نمـام ٍ بقلبـه دفينـي
لا ارمي بحالي من علو البلكون=ويجيك علمي والخبر لك يبينـي
رد .. سعد بن عبدالله بن حسين الهتلاني العجمي رحمه الله وقال :
انا اشهد ان للحب تاثير الافيون=وانا احمد الله يوم حن سالميني
اشوف لي ناسٍ من الحب يبكون=الله يعافيـهـم ولا يبتلـيـنـي
يحب ذا الشايب وهو ماله سنون=واعيش وكبار العجايب تجينـي
يوم العرب بدوٍ وقبل يتحضرون=كم ليلة نبّـح كـلاب القطينـي
على كلام اللي صفاته يعرفـون=وعقّال مـن شيبانـا الاولينـي
لكن هداه الله وجا كنه متكـون=وعلمي به البارح ثقيل ورزيني
واليوم جاب مطمة ٍ كونها كون=الحب واللـي جنـن العاقلينـي
صح لسانهم
والله يرحم الشاعر الكبير سعد بن عبدالله ويطول في عمر الشاعر الكبير ضيدان بن صبحان
سوالم وغوانم
28-06-2007, 07:06 AM
ســـــــعــــد و ضــــيــــدان
العرض المتطور
