قبيلة العجمان

[محمود هويج ال مخلص]

بسم الله الرحمن الرحيم

مشاركتي الاولى واتمنى ان تنال اعجابكم وهي قصيدة مدح في الاخ العزيز /راكان بن سلطان بن

سلمان ال حثلين(ابو فلاح) وفي قبيلة العجمان والتي لو كتبت المعلقات في مدحهم لن توفيهم

حقوقهم

اتغير عجلات الهجوس المشافيق***اللي على المخراج جاها شفاقه

كنها رماح(ن)من كفوف الزواريق***في مدح راع الطيب رمز الطلاقه

نقيتها من محكمات الصناديق***والبستها شيمه وعز ولباقه

وقطفتها من عاليات الغرانيق***وعزيتها من كل زيف وملاقه

يوم استشاطت نايدات الطواريق***وشحتها بالورد من كل باقه

قامت تسابق والهدف قمة طويق***مقرها اللي قمة المجد حاقه

نسل الشيوخ متعبين الملاحيق***تاريخهم دون بمجد وعراقه

قبيلة العجمان رووس المخاليق***اكرم نسب واشرف واعز الر فاقه

يوم الملاقى بالسيوف المفاتيق***وكلن على العليا يربّط وثاقه

يردون حوض الموت في حزة الضيق***ياتون مثل الموج عقب انصفاقه

امتعبين الخيل ردادة النيق***محد(ن)رجع من دارهم لو بناقه

لي جا نهار(ن) فيه ضرب التفافيق***عدوهم يشبع على غير فاقه

لاثارت العجه وجاوا المرازيق***وبارودها ولع وزاد انشعاقه

الارض ترجف والجبل كنّه يويق***وهل السحاب وماحوى فيه راقه

جنايز العدوان كنها مطاريق***والجو غيب في سواده زراقه

الترك تشهد يوم كتب المواثيق***راكان رد الروم والجيش ساقه

من شجرة(ن)طالت وصارت مواريق***مسيسين البيت وايضا رواقه

اقولها وجمال شعري مساويق***الها مع الطيب رموز وعلاقه

عد(ن) قراح قبلنا مابعد ذيق***ماكل من عرض على العد ذاقه

في مدح راع المدح شيخ المطاليق***ابو فلاح المدح والشعر لاقه

راكان بن سلطان لولاك ماسيق***فنجالها يمناك تزهى مساقه

ياراعي الطاله حثيث الملاحيق***نجم السما شعشع وشفنا براقه

حنا معك والعلم مافيه تبريق***بالحال جل العلم يكفي دقاقه

لانك ولد شيخ(ن)علومه مفاريق***لي صار لقروم الرجال استباقه

اللي لمنها كلحت ونشف الريق***يازى عليه اللي قسى الوقت ضاقه

وسلامتكم

[حـمـد الـعـجـمـي]

لا هنت عالقصيده الجزله ,,,,
وبيض الله وجهك ,,,,
تقبل مروري,,
اخيك : حمد العجمي

[من العجمان]

الله لايحرمنا من تواجدكـ هنا

ابدعتـ وسلطان يستاهل

[وٍجنة خفوٍق]

سلمت يمنآك وصح لسآنك

لآهنتْ

[شيخة قبيلتها]

السلام عليكم ورحمة الله وبركاته

الاخ الشاعر محمود ال مخلص

تسلم يمينك اخوي وصح الله لسانك ولاهنت ع القصيدة الطيبة والوافيه

اتغير عجلات الهجوس المشافيق=اللي على المخراج جاها شفاقه
كنها رماح(ن)من كفوف الزواريق=في مدح راع الطيب رمز الطلاقه
نقيتها من محكمات الصناديق=والبستها شيمه وعز ولباقه
وقطفتها من عاليات الغرانيق=وعزيتها من كل زيف وملاقه
يوم استشاطت نايدات الطواريق=وشحتها بالورد من كل باقه
قامت تسابق والهدف قمة طويق=مقرها اللي قمة المجد حاقه
نسل الشيوخ متعبين الملاحيق=تاريخهم دون بمجد وعراقه
قبيلة العجمان رووس المخاليق=اكرم نسب واشرف واعز الرفاقه
يوم الملاقى بالسيوف المفاتيق=وكلن على العليا يربّط وثاقه
يردون حوض الموت في حزة الضيق=ياتون مثل الموج عقب انصفاقه
امتعبين الخيل ردادة النيق=محد(ن)رجع من دارهم لو بناقه
لي جا نهار(ن) فيه ضرب التفافيق=عدوهم يشبع على غير فاقه
لاثارت العجه وجاوا المرازيق=وبارودها ولع وزاد انشعاقه
الارض ترجف والجبل كنّه يويق=وهل السحاب وماحوى فيه راقه
جنايز العدوان كنها مطاريق=والجو غيب في سواده زراقه
الترك تشهد يوم كتب المواثيق=راكان رد الروم والجيش ساقه
من شجرة(ن)طالت وصارت مواريق=مسيسين البيت وايضا رواقه
اقولها وجمال شعري مساويق=الها مع الطيب رموز وعلاقه
عد(ن) قراح قبلنا مابعد ذيق=ماكل من عرض على العد ذاقه
في مدح راع المدح شيخ المطاليق=ابو فلاح المدح والشعر لاقه
راكان بن سلطان لولاك ماسيق=فنجالها يمناك تزهى مساقه
ياراعي الطاله حثيث الملاحيق=نجم السما شعشع وشفنا براقه
حنا معك والعلم مافيه تبريق=بالحال جل العلم يكفي دقاقه
لانك ولد شيخ(ن)علومه مفاريق=لي صار لقروم الرجال استباقه
اللي لمنها كلحت ونشف الريق=يازى عليه اللي قسى الوقت ضاقه

يستاهل المدح والثناء وكفيت ووفيت اخوي ...

قبيلة العجمان رووس المخاليق=اكرم نسب واشرف واعز الرفاقه
يوم الملاقى بالسيوف المفاتيق=وكلن على العليا يربّط وثاقه

ونعم فيك وفي قبيلة العجمان يستاهلون .

اطيب امنياتي ...

[أبو حسنة]

صح اللسانك وإعتلى شانك

لاهنت

تقبل مروري

إخيك :. أبو حسنة

[محمود هويج ال مخلص]

الاخ حمد العجمي لاهنت على المرور الراقي

تسلم وتشرفت بمرورك

[محمود هويج ال مخلص]

من العجمان بارك الله فيك

مرور راقي وكلمات رائعه

تسلم ولاهنت

[محمود هويج ال مخلص]

وجنة خفوق

تسلمين ولاهنتي

عطرتي متصفحي بمرورك

[محمود هويج ال مخلص]

شيخة قبيلتها مرور راقي ومميز

وكلمات رائعه شيخه في كل شيء

لاهنتي