البـــارحه كني توطيت حيه..

[هادي القحطاني]

السلام عليكم ورحمة الله وبركاته

مساكم شعر


ومنكم العذر

البارحه كنـي توطيـت حيـه
اوكني اللي قابل النـار والغـار

تضحك بي القمرا وعيني نديه
تبرق وترعد.. مادرى طافي النار

الدمع نعمه.. للعيـون الشقيـه
وانـا شقيـن بالمحبـه وصبـار


يالليل هونها.. وشيـل الاسيـه
لاتفضح العبره وخابرك ستـار

ياوجد حال اللي غدربه خويـه
او وجد راعي هقوتن عند بوار

اخسي خسيتي ياالنفوس الرديـه
وأخس خلق الله طويلين الاعمار

ليت المحبه شخص.. يرفع قضيه
يحكم بها القاضي علي كل جبار

ياشمس لاتبدين وبقي خفيه
ابغى اسامر طيف خلي علي النار

[خالد بن رمثان]

أرررحب يالقحطاني


و حجز

[عارف دربه]

يا مرحبا ومسهلا بوجه محلف
صح لسانك ولا تحرمنا من الجديد
تقبل مروري

[هادي القحطاني]

المشاركة الأصلية كتبت بواسطة عارف دربه

يا مرحبا ومسهلا بوجه محلف
صح لسانك ولا تحرمنا من الجديد
تقبل مروري

عارف دربه


لاهنت ع المرور وصح الله بدنك

تقبل تحياتي

[سلطان ال شريد]

ياوجد حال اللي غدربه خويـه
او وجد راعي هقوتن عند بوار
.
.
.
لله دركـ
صصصح لسسـآنـكـ وافي وجزل ...

لاهنـت وبيـض الله وجهك ع ذا القصيده ...!/

تقـبـل مروري ...!

[هادي القحطاني]

المشاركة الأصلية كتبت بواسطة سلطان ال شريد

ياوجد حال اللي غدربه خويـه
او وجد راعي هقوتن عند بوار
.
.
.
لله دركـ
صصصح لسسـآنـكـ وافي وجزل ...

لاهنـت وبيـض الله وجهك ع ذا القصيده ...!/

تقـبـل مروري ...!

الاخ سلطان شريد

لاهنت ع المرور والكلام الطيب وكل وعام وانت بخير

تقبل تحياتي لك

[العــــديم]

ليت المحبه شخص.. يرفع قضيه
يحكم بها القاضي علي كل جبار



صح لسانك ياوجه محلف
وافيه من وافي

[وكيل آدم]

شعر كبااااااااااااااااااااااااااااااااااااار


سلامي عليك ياهادي


ابداع بحق

[خالد بن رمثان]

ياشمس لاتبدين وبقي خفيه
ابغى اسامر طيف خلي علي النار


يا سلاام


قصيدة جزلـه و شاعرها عذب


صح لسانك يا هادي على ذالكايفه و فإنتظار جديدك هنا ..

[محمد ضرمان الشولاني]

يا سلام ياهادي يا سلام

صح السانك يالسنافي

قصيدة جزلة ووافية يالوفي

في انتظار جديدك يالغالي

تقديري ،،،