مجاراة للشاعر عباس بن رشيد ال عمار

محمد ضرمان الشولاني · #1 13-02-2011, 12:13 PM

هذا مطلع قصيدة الشاعر عباس بن رشيد ال عمار

يا هجوس الشعر روحي للجنوبي=صوب قرمن غالين دايم علينا
مفلحين يملك الصدر الرحوبي=محزمي بالضيق هو منا وفينا
الله اللي عالمن سر القلوبي=نعبده ونصوم حنا المسلمينا
من شمال المملكة حد الجنوبي=يحفظك ربي إله العالمينا

وهذا ردي على القصيدة

مرحبا ترحيبة الغيث السكوبي=ساقه الوالي عقب دهرن وشينا
بالرفيق اللي مراسيله ندوبي=وعن جزيلات القصايد ما سلينا
يا عريب الجد يالحر الصعوبي=ما يصيد الا الجزايل باليمينا
محزمك يا مسندي شلفا عطوبي=تعطب العايل وتظفر بالسمينا
لابتك مفلح محيرة الشعوبي=سعد من عنّز على مفلح وجينا
قومنا العجمان والذكرى تنوبي=سطر التاريخ مجدن يهتنينا
ندحم الهيه على خيلن تجوبي=ساحة الميدان ما نثني يدينا
قادها راكان والبيرق لهوبي=فارس الميدان والقرم الفطينا
والحرايب من جلايدها خضوبي=والسيوف العوج تبطش بالجبينا
والجبال الراسية غصبن تذوبي=من دكايك خيل قومن ما تلينا
والبحار إليا وطت يام ٍ تروبي=ويخضع إلصبيانها برن ومينا
والصبي فينا ورى العليا طلوبي=وعن دنيات المطالب شايمينا
والجبان إليا تبين به رسوبي=يِنحر بعادات عرف الاولينا
وللخوي في عرفنا قدرن وجوبي=ما تضيق إبْه الوسيعه ما حيينا
ونكرم العاني وطرّاق الدروبي=وننحر القعدان والجزل السمينا
ويامن الزابن علينا والطنوبي=يوم قصران الشوارب عايفينا
والهنوف إليا رمت شال النحوبي=نشرب الموته من اكواب اليقينا
وشيخنا من عادته فك النشوبي=يجزل المدات مرخص للثمينا
وللقبايل عندنا قدر امحسوبي=موجبه حقن وجب منا وإلينا

سلطان ال شريد · #2 13-02-2011, 02:32 PM

اررررررح‘ـب يـآمحـمد

مـطؤول الغـيـبآإت جـآب الغـنـآإيـم

قـومـنـا العـجـمـان والــذكــرى تـنـوبــي
ســـطـــر الــتــاريــخ مـــجـــدن يـهـتـنـيـنــا
نـدحــم الـهـيـه عـلــى خـيـلـن تـجـوبــي
ســاحــة الـمـيــدان مـــــا نـثــنــي يـديــنــا
قـــادهــــا راكـــــــان والــبــيـــرق لــهـــوبـــي
فــــــارس الــمــيــدان والـــقـــرم الـفـطـيــنــا
والحرايـب مـن جلايدهـا خضـوبـي
والسيـوف العـوج تبـطـش بالجبيـنـا
والجـبـال الراسـيـة غـصـبـن تـذوبــي
مــن دكـايـك خـيـل قـومـن مــا تلـيـنـا
والبـحـار إلـيـا وطــت يــام ٍ تـروبــي
ويـخـضـع إلصبيـانـهـا بـــرن ومـيـنــا
والصبـي فينـا ورى العلـيـا طلـوبـي
وعــــن دنــيــات الـمـطـالـب شايـمـيـنـا
والـجـبــان إلــيــا تـبـيــن بـــــه رســوبـــي
يِـنــحــر بـــعـــادات عــــــرف الاولــيــنــا
وللخـوي فـي عرفـنـا قــدرن وجـوبـي
ما تضيق إبْـه الوسيعـه مـا حيينـا
ونــكــرم الـعـانــي وطــــرّاق الــدروبــي
ونـنـحـر الـقـعـدان والـجــزل السمـيـنـا
ويــامـــن الــزابـــن عـلـيـنــا والـطـنـوبــي
يـــــوم قــصـــران الــشـــوارب عـايـفـيـنـا
والهنوف إليا رمت شال النحوبي
نشـرب المـوتـه مــن اكــواب اليقيـنـا
وشيخنـا مـن عادتـه فـك النشـوبـي
يــجــزل الــمــدات مــرخـــص للـثـمـيـنـا
وللـقـبـايـل عـنـدنــا قــــدر امـحـسـوبـي
مـوجـبــه حــقـــن وجـــــب مــنـــا وإلـيــنــا

..

كفـؤوؤووؤ ونـعم ...

شـآإعـر جـزل

ولافـيك شـك

شهـآدتي فـيك مجروحـه

للـه درك يـآبو رآإكـآن

كتبت فأبدعـت ..

تحيـآإتي