كـــلـــن على معمر يهج ركابه يالله جعل مايصيبنا اللي صابه.

[اموت واحيابك]

مساء الخير



‏​بن فطيس»


كـــلـــن على معمر يهج ركابه
يالله جعل مايصيبنا اللي صابه.

حاكم وكان اسمه يهز العالــم
واليوم بارو به جميع أصحابــه.

وحنا العرب نضحك ونرسل عنه
سوالفن بأسمه وهي كـذابــــه.

نضحك عليه وقصته حـــزينـــه
ماكن حنا مسلمين ولابـــــــــه.

لو واحدن منكم رئيس لدولـــــه
وبنا وعمر يوم كانت غـابـــــــــه.

هو بيتنحا أو بيطلـــع بـــــــــرا
ويروح من داره وريـــح ترابــــه.

وحنا المواطن لا رحل من داره
من شوقه أتضيق عليه ثيابـــــه.

أبن علي شلوه عقبه حسنــــي
واليوم لمعمر سعو طلابــــــــه.

وقابوس مع بشــار واليمــــاني
وابن خليفه!!! نارهم شبــــــابه.

الله يستر ويش باقي بكــــــره
ثوراتهم منهي لفت باأسبابــــه.

الغرب للأسلام سوا خطـــــــه
شبو الفتن والكل كشر نابـــــه.

يبغون خيرات العرب بأكملهــا
ويطرشون جنودهم سلابــــــه.

ماسدنا اللي صار في الفلوجــه
وخلو العراق من المجازر غابــه.

النفط صدر عقبهم لمريكــــــــا
ماقيل ذا خير البلاد أولابــــــــه.

يا أمــــة محمد تراهـــــا بلـــوا
لاتضحكون يصيبكم ماصابــــــه.

أبكو على حال العرب بأكملهــــا
وأدعو عسا ربــي يعــــز كتابــــه



ًًً

[متذوق شعر]

صح السان ابن فطيس والله يقلع معمر وداره ويفك عوق اهل ليبيا


اموت واحيابك لاهنت على النقل

[اسجد لربي عجميه]

صح لسانه ... لاهنت ع النقل

تسلم يمناك،،

[الفريض]

صح لسانك ولسان ابن فطيس

ولاهنتي ع النقل الرائع

تحيـــــــــــــــــــــــــــــــاتي ،،

[هـزاع]

صــــــــــــــــــح الله لســـــــــانك ولســان شاعرها ..

تحيــاتي لك ..

[أباالجيش]

صــــــــح لســانك ..