بيرق,,ورمح,,وسيف,,وحروف,,وأقلام /// مع الجبان إتصير من دون قيمه

[الشاعر ويكيليكس]

السلام عليكم ورحمة الله وبركاته

بدون مقدمات

بيرق,,ورمح,,وسيف,,وحروف,,وأقلام=مع الجبان إتصير من دون قيمه
وأنا الشجاع اللي حروفه من العام=تروي العطاشا بس من دون غيمه
إن قلت: ,,قلت الحق,,والدرب قدام=وإن طلت ما صدرت دون الغنيمه
هلا هلا واقلط على شرع الإسلام=لأهل الحشيمه زود قدر وحشيمه
واللي يدريبيها من الشرق للشام=يلقى الكدر والمعركه والهزيمه
قولو كذا,,ولا كذا,, يا أهل الأحلام=حتى ولو ما عبرتكم حليمه
أحدٍ يسوي له قصيده من إلهام=ورده..وعقله مثل عقل البهيمه
كنت أحسب الشعار يا قوم صيام=ما ينكرون المهزله والجريمه
يالين شفت الشاعر إن طاح ما قام=في حب من زادت بلاه وجحيمه
شاعر يقول دموع عيني من أيام=تهطل بعد فارقت ساره وريمه
ولا نزل دمعه على وصل الأرحام=ولا نزل دمعه عشان اليتيمه
ولا إحتمى لا شاف عبّاد الأصنام=في مجلس الأمه تزيد الشتيمه
كوهين سوا مملكة راي وإعلام=وحنا مع الإسكان ننطر قسيمه
يعني متى نصحى,,ليا خلص الزام,,!!=ولا ننام وتستمر الظليمه
الغرب سجل من ثقافاته أرقام=والشرق الأوسط ضايعٍ في رقيمه
إعشق قمر ,,وإكسب جمل,,وإرفع الجام=لا صارت النيه ماهي مستقيمه
أنا عشقت وهمت وعيوني إهيام=بالجادل اللي في خفوقي مقيمه
لكن ليا من شفت لي شخص منضام=غنيت له يا أهل العقول الفهيمه

.
,

[سلمان بن ضيدان]

يعلم الله أني سجلت دخولي لـ هالقصيده إعجاباً فيها
ولا أنا ما كان لي نيه دخول أصلاً ، صح لساااااانك لين ترضى
وكثّر لنا من قصايدك هناا


تقبل مروري

[الشاعر ويكيليكس]

المشاركة الأصلية كتبت بواسطة سلمان بن ضيدان

يعلم الله أني سجلت دخولي لـ هالقصيده إعجاباً فيها
ولا أنا ما كان لي نيه دخول أصلاً ، صح لساااااانك لين ترضى
وكثّر لنا من قصايدك هناا


تقبل مروري

يا مرحبا يالشاعر المبدع

صح بدنك ومرورك حافز للإستمرار بالتأكيد

شكرا على المرور الكريم أخي الكريم

[فارس الحرف]

وكليكس
جميل ماطرحت في زحمة الشعر والشعرا
سجل اعجابي ومروري

[here Lucky boy]

الله الله

صح لسااانك

[عآفت آلنوم عيني]

صح لسسسسآآنك ملآآآآييين ،
ولأ هنت ألـــــــــــــف

[متذوق شعر]

هلا هلا واقلط علـى شـرع الإسـلام
لأهـل الحشيمـه زود قـدر وحشيمـه


هلا بك وبقصيدك شاعر جزل صح الله لسانك على كل بيت

تقبل مروري يالغالي

[خالد بن رمثان]

بيض الله وجهك و لاهنت على ذالقصيده اللي تثبت وعيك الشعري و حرصك على مصلحة المجتمع صح الله لسانك و فإنتظار جديدك هنا يالشاعر ..

[سالم الرتيبان]

المغرد / الشاعر ويكيليكس

صح الله لسانك

شاعر جزل ومبدع
لاتحرمنا جديدك

[عبد الله العظيمان]

صح لسانك ولاهنت على القصيده