لبيـــــــه

[محمد ضرمان الشولاني]

مساكم وصبحكم الله بالخير

اترككم مع جديد قصائدي

لبيه يللي تسرق الطرف لبيه=صحيح سارق بس منت بحرامي
تماد في سرقتْك ما قلت لك ليه=ما دام عقلي في محبتْك هامي
سرقت قلبي والعساكر تباريه=ياقوّ قلبك مطلقن للخطامي
رميت سهم الحب للقلب ناويه=حتى فرق لضلاع للقلب دامي
سهمك خطيرن واذبحتني مراميه=ما دام قوسك طرف والزين رامي
وردتني بير العنى والشقى فيه=وبير المحبه دربها دوم ضامي
اعلنت حبك محتمل للمشاريه=واعلنت انّك في حياتي غرامي
واعلنت انّك مالك العقل غازيه=وحقّق هجومك فيه حكمن نظامي
ومكّنت حكمك فيه والحصن بانيه=واصبحت اسيرك دون قيد وزمامي
وتدري متى يهنا لي الغزو والتيه=لا صار منْك الجيش والقصد سامي
ياهيه انا رجلن بعيده هقاويه=حرن مطاليعه تعدى الغمامي
ومن قوم عزن واللقى ما تحاتيه=قومن لمن ثارت كما السيل طامي
فلا تضْرم النيران والحال تشقيه=وتنْعم على الراحه بريش النعامي
ابيك توفي والجفا ما تطرِّيه=وتسهر تخاطر روح حتى المنامي
واكون فارس حلمك اللي تعنِّيه=هقوات بـِعْد الخلِّ وسْط الجهامي
والميسم اللي طارق الجوف كاويه=ومصْلي على جمر الوله والحطامي
لا صرت اتبع طرف والشوق ماليه=بسّ الظروف المانعه ما تسامي
منّه تعلمت الأسى كيف تخفيه=ومنّه تعلمت الصبر والصيامي
وما كل ما يبغي الفتى دوم ياتيه=وما كل توأم بالمحبه سيامي
يالله يللي من ترَجّاك تعطيه=ويامسير الأكوان حسب النظامي
تِذْهب كسوف الشمس والليل تجليه=ويبقى شعاع الشوق بَعْد الظلامي

وسلامتكم،،،

[متذوق شعر]

الله الله مبدع يامحمد تدرج في الابداع وحبكةشاعر

صح الله لسااانك لين ترضا

يشرفني اني اول من رد وتقبل مروري

[قوت القلوب]

قصيدة رائعة من الألف الى الياء..


صح لسااااااااااااااااانك مداااااد بلا عدد

ودي لكم ..

[سلطان ال شريد]

اعلـنـت حـبـك محتـمـل للمشـاريـه
.................واعلنـت انّـك فـي حياتـي غـرامـي

واعلنـت انّـك مالـك العقـل غـازيـه
..................وحقّق هجومك فيـه حكمـن نظامـي

ومكّنت حكمك فيـه والحصـن بانيـه
.................واصبحت اسيرك دون قيد وزمامي

وتدري متى يهنا لي الغـزو والتيـه
.............لا صار منْك الجيش والقصد سامي

ياهيـه انــا رجـلـن بعـيـده هقـاويـه
.............حــرن مطاليـعـه تـعــدى الغـمـامـي

......
ابـو رآإكـآن

اللـه وكبر عـليك ... ولله احترت وش اقتبس ووش اخلي

قنبـله شعريه ..

ابداع + جزاله+مفردات عذبه

وش اقؤول ..

صح الله لسانك ملايين يابـؤو رآكـأإن ..

تتحفني بكـل مآهـو جديد ...

فـي انتظآر جديدكـ ...

لاتحرمنا منه ومن طلتك ...

تحيآتي

[العــــديم]

ياهيـه انــا رجـلـن بعـيـده هقـاويـه
حــرن مطاليـعـه تـعــدى الغـمـامـي
ومن قوم عـزن واللقـى مـا تحاتيـه
قومن لمن ثارت كما السيـل طامـي

كفو ياأبو ضرمان

صح لساانك ملاايين على الجزله

[ابــ مشخه ــن]

صح لسانك

[محمد ضرمان الشولاني]

ارحب يامتذوق شعر ارحب

صح بدنك طال عمرك

ولي الشرف مرورك يالذيب

فلك شكري وتقديري يالغالي،،،

[فهد ألعجمي]

صح لسانـك يا بو ركان واعتلا شانك ...



قصيدة في قمة الروعه ولاهي غريبه عليك دائما مبدع ...



تحيتي ...

[جواهر العجمي]

محمد ضرمان الشولاني
صح السانك ولاهنت
قصيده جزله...
بيت اجمل من بيت
لله درك
تح يتي واحترامي

[محمدالعمار]

صح السانك ملايين يالذيب