(( يا ضيقة الصدر ))

[مانع بن شنيخ]

يا ضيقة الصدر وش باقي على بكره
يا طول الساعتين وطـول غربالـي
الليل كله وانـا فكـره وراء فكـره
ومن دلـة الهـم ماهزيـت فنجالـي
ما كنت اضن الحبيب اليا عشق يكره
الين جربت فرقا اللـي شغـل بالـي
اثر الجفا موت مثل الموت له سكره
يالله لاتقطـع الغالـي مـن الغالـي
من يوم قفا وانـا للمـوت ابفتكـره
والله ليبطي بقلبـي منزلـه خالـي
الطير لامن غدا ما عاض به وكـره
يقضي وفعله مـع المـده يورالـي
لا صار فعل وغلا بالقلـب محتكـره
في ضيقته يااخذ الاول مـع التالـي
كد قالوا الطيـر يـا وفيـه يانكـره
واقول نكاره العشـره بـروا حالـي
ارجع لموضوعنا السابق على فكـره
ماني بانا اللي مفارق بـس بلحالـي
البعد سـم البشـر مانـي بمبتكـره
عزي لمن جـرب الفرقـا وعزالـي
هذا الجفا موت ومثل الموت له سكره
يالله لاتقطـع الغالـي مـن الغالـي

[بـوح القصيـد]

صح السانك يالغالي
قصيده رائعه ولاهنت
تقبل مروري

[بنت الجوووود]

صح السانك ترليوووووون
والله ﻻيقطع الغالي من الغالي
ﻻهنت وتقبل مروري

[نجد العجمي]

يعطيك العاااااااااااافيه

ويارب ماتنحرم من غاااااااااااااالي

وترجع كل حبيب لحبيبه

ولاهنت

(((((نجد)))))

[عبرة وداع]

صح اللسان شاعرها

وسلمت يمنى ناقلها

طبت وطاب منقولك

[خالد بن نفل]

صح السان شاعرها
ولاهنت على الاختيار المميز
وتقبل مروري

[*ابوخالد*]

صح السان شاعرها

ولاهنت ع النقل