(( عزي لمن يعشق وهـــو خالي الجيــب ))

قبلةالعجمان · #1 13-11-2004, 03:45 AM

الفقر والحب لا يجتمان قصيدة ((عزي لمن يعشق وهو خالي الجيب))

الحب والفقر لا يجتمعان هذا ما صورة لنا الشاعر دحام بدر الهذال بهذة القصيدة

بين الفراق وبين صـوت المكاتيـب=اموت واحيـا والسبايـب رسالـه
الحرف يشعل وسط قلبـي لواهيـب=كل ما يزيـد البـرد زاد اشتعالـه
مثلي يرتب زيـن الأمثـال ترتيـب=واوسع من الأرض العريضه خياله
عزي لمن كثرت عليـه العذاريـب=والحظ خانة وانهـك القـل حالـه
وعزي لمن حده زمانه عن الطيـب=والعوز طال اللي بقا.. من حلالـه
وعزي لضيفٍ ما حشموه المعازيب=شاف المهانـه عندهـم والرزالـه
وعزي لشيخٍ يوم بين بـه الشيـب=الوقـت عاقـه واقطعوبـه عيالـه
وعزي لمن مثلي جروحه معاطيـب=عانى من المرين واوشـك زوالـه
وعزي لمن يعشق وهو خالي الجيب=يموت حبـه والسبـب قـل مالـه
وقت الرخا كلن يعـرف المواجيـب=والطيب يظهر قبـل ياتـي مجالـه
وبساعه الشده تشـوف الأعاجيـب=وتلقى من الشخص المقرب نذالـه
لا يحزنـك حـبٍ تلاشـا بتعذيـب=ما كل من يهـوى يحصـل منالـه
ما فات مات ولاحـدٍ يعلـم الغيـب=وحكم القدر يجـري ولافيـه قالـه
إدله مع الدالـه ولاتقـرب العيـب=واللي يخون الحـب تلقـى بدالـه
الله لا يجزي هـل الشـك والريـب=اللي غدوا بدروب الأحبـاب عالـه
بعض الهقاوي تخطي القصد وتخيب=ولا كل شخص يستحـق الجمالـه

وسلامتكم

السنـــــافية · #2 13-11-2004, 03:50 AM

إدله مع الدالـه ولاتقـرب العيـب
واللي يخون الحـب تلقـى بدالـه
الله لا يجزي هل الشـك والريـب
اللي غدوا بدروب الأحبـاب عالـه
بعض الهقاوي تخطي القصد وتخيب
ولا كل شخـص يستحـق الجمالـه

اللــــــــــــة عليـــــــــــج ياقبـــــــــلة العجمـــــــــان
مبدعــــــة فى اختيار القصايد

صح لسانج وتسلمين يالغالية

عيد بن شدقان · #3 13-11-2004, 03:53 AM

وقت الرخا كلن يعـرف المواجيـب
والطيب يظهر قبـل ياتـي مجالـه
وبساعه الشده تشـوف الأعاجيـب
وتلقى من الشخص المقرب نذالـه
لا يحزنـك حـبٍ تلاشـا بتعذيـب
ما كل من يهـوى يحصـل منالـه
ما فات مات ولاحـدٍ يعلـم الغيـب
وحكم القدر يجـري ولافيـه قالـه
الـــــــــــــــــــــــــــــــــــــلــــــــــ ـــــــــــــــــــــــــه
قبله
صح السانش والسان الشاعر
لاهنتي
اختيااااااااااااااااااااااااار
راااااااااااااااااااااااااااائع
الله يعطيش العافيه