قصيدة الشاعر علي مبارك الكدادي في اليوم الوطني

راعي الوفا · #1 14-10-2011, 11:00 PM

[center]
حبيت انقل لكم قصيدة الشاعر الكبير علي بن مبارك الكدادي في اليوم الوطني بالواجهة البحرية بالدمام

واتمنى ان تعجبكم

بادي باسم الولي فاول كلامي && ربنا المعبود جلاي الظلامي

ياسلام الله على اللي حاضرينا && عد ماهل المطر واثني سلامي

جيت حفل المنطقه كلي سعاده && واتمثل في الحفل واكرب حزامي

الكدادي حاضرٍ ولا تعذّر && ودايمٍ موجود في الصف الامامي

ويرتجي ربه توافيق وجماله && في حفل ربعٍ مطاليقٍ احشامي

زانت الاشعار في حفلٍ يشرف && وراق جوي للقصايد باهتمامي

واتغنا فالوطن باحلى القصايد && في وطنا اللي على روس العدامي

عد براق برق عرض المخايل && وعد سيلٍ سال في شرقٍ وشامي

كل عامٍ ياوطن وانت ابسلامه && والله يعوده عليك ابكل عامي

والله انك ياوطن غالي علينا && ولا نبيعك لو بالغالي اتسامي

دمنا يفداك وحن فدوة اترابك && ولا تهمك رميةٍ من دون رامي

ابشر بعزك ليا جات الهوايل && دونك ارجالٍ ليا حل الزحامي

ياوطن وانظر وش اللي صار حولك && من شعوبٍ ثايره والوضع حامي

قامت الثورات من ديره لديره && بالتسلسل كنّها مشهد درامي

وحضروا الاحزاب من يمنى ويسرى && واستغلوها لتحقيق المرامي

قبل ماتحسب علي ماهي شماته && لا علي رفقه قبل ياتي ملامي

اني ادعي ربنا في كل حزه && يحفظ الامه وينزاح الغمامي

مير ابين ميزة الشعب السعودي && والتلاحم بينه وبين النظامي

القياده وافيه والشعب مخلص && شعب واحد مايعرف الانقسامي

ماتفكك ماتزعزع ماتأثر && والولاء اكبر صفاته باحترامي

نحمد اللي عزنا بصقر العروبه && ابو متعب فخرنا بين الأنامي

كيف مانفخر بحاكم عز شعبه && ومكرماته بلّت اكبودٍ ظوامي

والله انه يملك قلوبٍ بطيبه && وواصلٍ طيبه الى راس السنامي

صاينٍ داره وعز ديار جاره && وفزعة المضيوم لاثار العسامي

تشهد الاحداث في جاره عزيزه && يوم دوار بها اصبح حطامي

الشجاع اللي ليامن قال يفعل && دون جيرانه ودولتهم ايحامي

وله ولي عهدٍ عضيده فالشدايد && ذاك ابو خالد من كبار الاسامي

للكرم مضرب مثل والجود طبعه && كم وكم ياكم تبصم له ابهامي

وعزز القوات سلطان وعطاها && هيبه وقوه وجيشٍ مايضامي

ويالله اتخلي وزير الداخليه && نايف اللي مايعرف الانهزامي

يكعم الغلطان ويعدّل مساره && وترتجف من هيبته ناس عظامي

ولقيادة منطقتنا سقت شعري && صوب ابو تركي علي هذا لزامي

لاذكرت المدح يطري لي محمد && الامير النادر الشهم الهمامي

قايدٍ طوّر لنا شرق الديارا && لين صارت كنها البدر التمامي

واشهد ان له نايبٍ مشهور صيته && جلوي لاصار صكٍ واحتدامي

كاسب الطالات محمود السجايا && وحاتميٍ بالكرم نال الوسامي

فارقٍ بالطيب والعليا شعاره && والله انه ياعرب حرٍ اقطامي

وقبل مانختم ياربي عز منهم && محكمين الشرع عالين المقامي

وارجع اثني واهني ياوطنا && والله يعوده عليك ابكل عامي

قلتها وانا من ارجال الحميه && من بني هاجر متيْهة الجهامي

لابةٍ معروفةٍ ولها مواقف && وماحدٍ يجهل مواقيف الكرامي

تمت وصلوا على سيد البريه && الرسول الهاشمي خير الانامي