لا تزايد فالحكي باللي سمعناه اكتفيت
اكتفي باللي سمعت وكافي اللي جاك منّي
يمكن انّي ما حفظتك صح ّوبْحقك خطيت
بس والله ما تمن ّ ايدي ّ لو طيشي غمرني
كل ما جاءفي كلامك بْعباراته ضويت
زيف واجحاف وظليمه كان من باب التجنّي
اذكر انّي يوم خليتك على الظيم ومشيت ؟
دامني دوم بْيمينك وش تبيبي تمتحنّي
ما ضحكت لّك برود وعند عذالك حكيت
وماوقفت لّك جمود في عذابك قمت اغنّي
و ما حسبت اللي ورانا..بْعداده ملتهيت
ما حصل في يوم جيتك بأنّي انّي .. وانّي انّي
اصلاً اشلون بْيجيني قلب واهتنى في مبيت
وارتكب غلطه، أبويه عن عواقبها نصحني
قال ابوي ان كان تعطي ثم تمن بْما عطيت
طحت بعيون الرجال وصار قدرك في تدنّي
والله اعلم ما على سود الفعايل قد ربيت
تسعة اشهر في بطن أمّي على الطيب احملني
يكفي انّي من صغر سني ولاعمري وطيت
غير سجادة صلاةوصدْر مجلس يحتضنّي
ما نطقت بشي ٍ أعجز عن سواته وارتخيت
اثبت اقوالي بفعلي وانت تعرف وشهو اعني
صامل ٍ لامن وردت آخذ بيدّي مشتهيت
ماتزعزع همتي والخوف عمره ما منعني
شاعرٍ فجّر قلوب وصار له سمعه وصيت
انقش اعجاز القوافي لو صواعبها عصنّي
ما يهموني رعاة الراح راح .. وجيت جيت
ما حسبت حساب حاسد ..دام باب القاف فنّي
اضرب بْمسمار في نعش الخزا مع كل بيت
واقطع ايدين الرديه لو صوابعها الحقنّي
ما علي باللي يلالي .. وان تلوّى ملتويت
ماألتفت للي خلافي .. لو طعني ماطعنّي
ماعلي بْواحد جاء ينتفض يوم ٍعليت
شافني فرصه ليُثبت شاعريته وانتهزنّي
يحسب انّه لا تطاول يم ّ محداره دنيت
لويعيش الفين عام يْموت وهْوه ما وصلنّي
منحنيت لْغير ربي .. ولعباده .. منحنيت
مبتعدعن غايه الا ان كانه كتابه نهرني
والحكم لله ولآسعود(وآلصباح) بايعت ورضيت
وانت من بعد الشريعه .. جاي ودك تمتلكني
ما ربيت بْظل بيتك.. وبدروبك ما بديت
ومن تعارفنا وانا رجْل ارتهن للي طلبني
انتبه لي زين وافهم.. الله انّي بك عنيت
احتملتك لين ضاق الصدر فيك وخاب ظنّي
ارتويت بْسم ّ هرجك.. وبْفعالي ارتويت
كافي اللي جاك منّي.. وأكتفي باللي بلغني
اعتبرني نجم ٍ اشرق في ظلامك واختفيت
واعتبرتك عثره بْدربي ولكن ماطرحتني
مابقى للماضي الا دمعتين وما بكيت
يا خساره لجْل مثلك دمعي بْلحظه غلبني
ما بقى لك غير كلمه.. ليت تفهمها يا ليت
كلمه اتحشرج بصدري .. عنوة ٍ لك واهزمتني
( حل ّ عنّي ) ما أشوفك شي يسوى وانتهيت
دامني ما عاد اشوفك شي يسوى(حل ّ عنّي)
تحياتي
وردة&العجمان
لشاعرهاااا / احمد العتيبي
ما ربيت بْظل بيتك.. وبدروبك ما بديت
ومن تعارفنا وانا بنت(ن) ارتهن للي طلبني
انتبه لي زين وافهم.. الله انّي بك عنيت
احتملتك لين ضاق الصدر فيك وخاب ظنّي
ارتويت بْسم ّ هرجك.. وبْفعالي ارتويت
كافي اللي جاك منّي.. وأكتفي باللي بلغني
اعتبرني نجم ٍ اشرق في ظلامك واختفيت
واعتبرتك عثره بْدربي ولكن ماطرحتني
مابقى للماضي الا دمعتين وما بكيت
يا خساره لجْل مثلك دمعي بْلحظه غلبني
ما بقى لك غير كلمه.. ليت تفهمها يا ليت
كلمه اتحشرج بصدري .. عنوة ٍ لك واهزمتني
( حل ّ عنّي ) ما أشوفك شي يسوى وانتهيت
دامني ما عاد اشوفك شي يسوى(حل ّ عنّي)
19-11-2004, 08:59 PM
صح لسانك ولسان الشاعر
العرض المتطور
