رد شمريه ماتهاب على قصيده الشاعر بندر الشمري

[رمش الغلا]

بسم الله الرحمن الرحيم

السلام عليكم ورحمة الله وبركاته

اسعد الله مسائكم بكل ماهو خير يارب

اعتذر عن انقطاعي الفتره الماضيه لاكن يعلم الله ويشهد انكم في قلب اختكم وبكل ماهو ذكر خير وطيب واليوم جايه اصافحكم في قصيده الشاعر بندر الشمري وردي عليه ويارب تحوز على رضاكم




أبيات متواضعه مسنده للأخت الفاضلة الشيخه شمريّه ماتهاب (مها الجرباء)



القصر لــــــو له الف والفين من باب
......................................خسران راع القصـــر ياصار خايب
البيت يرفـــــــــع عالي بشد الاطناب
......................................ويبقى رفيـــع ٍ ما تهــــــــزّه هبايب
انا صغير وتو طالـــــــــــــع بي الناب
......................................واشوف راسي صايرن راس شايب
الجو صافي والقمـــــــــــر مابعد غاب
......................................واشـــــوف اذان الذيب كنّه نصايب
غربال غـــــــربلني وانا تـــوني شاب
......................................الســـــــــ ـمّ الازرق بالمعاليق ذايب
من شافني ينظـــــــر بنظراته اعجاب
......................................ويقول مبســــــوط ٍ من الذنب تايب
وجـــــدي كما وجد الذي ماله اقراب
......................................ولا حدٍ على وجــده سأل من سبايب
يالشمــــــــريّه بنت صقر ٍ بمـــــرقاب
..................................... يابنت ابـــــو خوذه عريب الصلايب
اسمك علم ينقش على الكـف بخضاب
......................................اللي سنين بباطـــــــــن الكف رايب
نصيحتك تاج ٍ ويوخــــــــذ له حساب
......................................هاتي مــــن بيوت النصايح عجايب



بقلم : بندر الشمري




************ردي عليه****************

يامرحبا حييت يانزه الأشانب
========= = اعداد مايومي الشجر بالهبايب
واعداد ماينزل من الغيم سكاب
========== على الجزيرة عد وبل السحايب
يابندر الضرغام يالصقر ياعقاب
========== نطاح فـي فعلك صعاب النوايب
الشمري لو مابعد شق له ناب
========== يرسي بفعله في كبار المصايب
ان كان تشكي من جميلٍ ونهاب
========== وقـلبك على المزيون ولّع لهايب
قبلك انا احب شيخٍ وجذاب
========== كـريـم شـهـم وعـز كـل القرايب
اسهر طوال الليل والقلب منصاب
========== عـلـى بن شـيخٍ للجزيلات جايب
حبه جرى بالدم ولاغيره احباب
========== حـتـى على قـبـري تغز النصايب
لكن نصيحه لك يازاك الأنساب
========== خـلّك حريصٍ بأخـتيـار الحبايب
ابعد عن الهفوات وعن شجرة الداب
========== واـبعد ـعن بيوت الرداء والخرايب
عليك ببنت الشيخ حلال الأنشاب
========== يـجي ولـدها ذيـب ماهو بهايب
وانا معك بالمال ومالذ اوطاب
========== ابـشـر وانا بنت الشيوخ النجايب

***********************

ودمتم

مها الجرباء (ام نواف)

[حزن الصرار]

الله الله ياسسسلام. عليكً

مجاورهً حلوووهً. وابياتٍ قمهً علي قمه

الله لا يهينكً يابعديً ولاهيبً غريبه عليكم. ياشمرً الابياتً الجميلهً

تقبلي وديً

[رمش الغلا]

المشاركة الأصلية كتبت بواسطة حزن الصرار

الله الله ياسسسلام. عليكً

مجاورهً حلوووهً. وابياتٍ قمهً علي قمه

الله لا يهينكً يابعديً ولاهيبً غريبه عليكم. ياشمرً الابياتً الجميلهً

تقبلي وديً

ولاشان سموكم الكريم

اشكر مقام سموكم الكريم على المرور

دمتم بخير

[شموخ شايبها]

صحح لسانش يالشيخه


و ونعم بشمر

[رمش الغلا]

المشاركة الأصلية كتبت بواسطة شموخ شايبها

صحح لسانش يالشيخه


و ونعم بشمر

صح بدنك

كما اشكر سموك الكريم على مرورك المشرف

دمتي بود

[سعود بن شالح]

ماشاء الله عليش
ابدعتي في ردش
وافيه وابياتش وافيه
لكن حبيت اسأل عن الشاعر بندر يا ليت تعطينا عنه معلومات
مشكوره وتقبلي مروري

[رمش الغلا]

المشاركة الأصلية كتبت بواسطة سعود بن شالح

ماشاء الله عليش
ابدعتي في ردش
وافيه وابياتش وافيه
لكن حبيت اسأل عن الشاعر بندر يا ليت تعطينا عنه معلومات
مشكوره وتقبلي مروري

الابداع ساسك وخيي

الشاعر بندر الشمري والله الي عارفته هون بعالم الانتر نت في موقع ثاني

نكه ساري الساري بندر الشمري

ومشكور على تشريفك

دمت بخير

[العــــديم]

صح لسآنش ام نواف
وصح لسان بندر الشمري

ابدعتوا


ننتظر الجديد

[رمش الغلا]

المشاركة الأصلية كتبت بواسطة العــــديم

صح لسآنش ام نواف
وصح لسان بندر الشمري

ابدعتوا


ننتظر الجديد

صح بدنك وخيي

الابداع ساس سموكم الكريم

ومشكور على التشريف

دمت بخير

[الاصيله]

صح لساانج ولساان الشعر بندر

ولاهنت ع الرد الطيب


تحيااتي لج وتقديري