من قال ضرب البنت اكبر رجولة...

*ابوخالد* · #1 16-04-2012, 01:35 PM

مسآئكم قصآيد
وصبآحكم معاني
عسآكم بخير جميعا

/:

ضرب المره يا ناس ما هو رجوله
وما ظنتي من يضرب البنت رجال
لا والله انه ما يعرف الفحوله
وبالمهزله يضرب به أمثال وأمثال
وبعض البشر يقهرك باللي يقوله
جاهل يدرس له ملايين جهال
أكبر طموحه يعمل أصغر بطوله
عنوانها دم المره ما بعد سّال
الضرب للزوجه هو افضل عموله
ويا كثر ما جابوا من أقوال وأقوال
كم جاهل ٍ فيهم تردت فعوله
وكم عالم ٍ ما يتقي شر الأعمال
يلعب ويضرب في بنات الحموله
أحلى االتفاهم عنده بسوط وعقال
لا عاش رجل ٍ كل هذا ميوله
ولا عاش من يتبع حكايات الأنذال
ناس ٍ لهم بالجهل صوله وجوله
اكبر طموحه عيشة البنت في أذلال
عايش وبالقوه يدبر حلوله
يسمع نصايح ناس مجموعة حثال
الشرع قال أدب وطبقت قوله
ما قال عذب واضرب بحقد وخبال
لكن بعض الناس حرف نزوله
والمسأله صارت بطولات وابطال
والعلم ما كل ٍ يطبق أصوله
عشنا وشفنا من مصيبات واهوال
ناس ٍ بنو للمجد مليون دوله
وناس تموت وما بنت نصف تمثال
ودرب العلا ما كل واحد يطوله
ما طاله إلا شخص واعي وخيال
ولا هنت يلي كم بيت ٍ تعوله
يلي لكم بالعز رايه ومنزال
ناس ٍ لفعل الشر ما هي عجوله
تعطف على الحرمه ولا تحقر أطفال
الله يعز اللي يعيش ابسهوله
والله يبدل للبشر بعض الأحوال
والله يرزقني ببنت ٍ خجوله
أطرب لها قيفان وأبدع لها أمثال
واغيض منهو مر حولي وحوله
واشفي غليلي من حقودين عذال
واقهر عديم المرجله والفحوله
واقول يا جعلك من الكون تنشال
وان قال ضرب البنت أكبر رجوله

(جساس) · #2 16-04-2012, 02:25 PM

ابو خالد

يعجبني ذوقك في اختيار القصايد
سلمت ذائقتكِ المميزة والراقيه
يعطيكِ ربي العافيه ع الطرح
دمتِ بخير

●• Ŝђǿǿq •● · #3 16-04-2012, 02:28 PM

أنشًهد
صح لسآن شآعرها
وتِسلم يمينكـ ..~

وسام العتيبي · #4 16-04-2012, 03:28 PM

تسـلم على الطـرح الرائـع

وصـح لسـان شـاعرهـأا

وبانتظار كل ماهو جديـد لك

الذآهبه · #5 16-04-2012, 03:34 PM

اقتباس:

والله يرزقني ببنت ٍ خجوله
أطرب لها قيفان وأبدع لها أمثال
واغيض منهو مر حولي وحوله
واشفي غليلي من حقودين عذال
واقهر عديم المرجله والفحوله
واقول يا جعلك من الكون تنشال
وان قال ضرب البنت أكبر رجوله

صح الله المنطووق
قصيده رآآئعه
تسلم يمناك ع النقل الرآقي