خالد بن مدعث والتوجد بأروع صوره

[يتــــــرنم]

بسم الله الرحمن الرحيم

يقدم الشاعر المبدع والذي سطر في قصيده الجزاله بمعنى الكلمه بالنسبه لي ولكثير ممن سمع له وهو الشاعر / خالد بن مدعث الدوسري وأترك لكم الحكم عليه في هذه القصيده التي سأقدمها لكم وهي قصيده (توجد )وأنا أعتبرها أقوى قصيده( توجد) سمعتها وجاراه فيها الشاعر المبدع أيضاً ناصر الفراعنه

كل ما فاضت عيوني باشت الأضلاع غنا
الموارد في الضلوع وكل ضلع في ونه


والتمني ما يحقق هقوت القلب ان تمنا
بس قلبي ما يداني تبعد الهقوات منه


وا وجودي وجد من جلي عن دياره مجنا
تو عمره عشر واربع والليالي ما تحنه


ما وراه إلا عجوزٍ واخته وعود مسنا
بين فقر وبين دين وبين ضيم وبين منه


ما ذبحهم غير دمع من الغبينه ما يكنا
ويل من سود الليالي بالمصايب يبتلنه


راح مثل الذيب وهبلته حياة الذيب ظنا
وآمن والموت يومه بين مخلابه وسنه


راح ينقل دم قلبه وان ضواه الليل ونا
الذيابه مروحاته والسيوف يدورونه


ليا ذكر دم القرايب عانق البيدا وثنا
وان تذكر ضحكة امه زاغ قلبه من مغنه


ما يلوعه في حشاه إلا ليا شاف البرق سنا
غاب عشر اسنين ما به من يرد العلم عنه


ان حداه الخوف منا هزت الأشواق منا
يوم طال الوقت عود للديار اللي ربنه


قال ما دام المذله والبلاوي يبتلنا
والله ان الموت في الأوطان بين الربع جنه


يوم وقف في المنازل ما لقى بيت مبنا
غير بيت للهبايب والذواري يلعبنه


راح يمه كنه اللي ضاربه رمح مطنا
وعذابه ما دري ان اسهوم بقعا يحترنه


يوم قرب سمع له صوت من العله يحنا
حصل امه عندها ضيف يقول الموت سنة


قال يمه قالت عيوني من الدمع انعمنا
قال ابويه قالت اطوال النصايب قد خذنه


قال واختي قالت اقفى القوم باختك مع ظعنا
قال ربعي قالت اسنين المجاعة فرقنه


قال جيتك قالت ان الموت ما ظني تونا
واستلمها نازع الارواح روحن مرجهنه


ثم صاح من التفرق صيحة اللي فيه جنا
دق صدره وانطوى من حر ما به طي شنه


كل هذا حال قلب من خلقه الله معنا
الهموم يوكلنه والروابع يوكلنه


ليه ادور للسبايب والسبب فينا ومنا
النفوس وما تسوي واليدين وما حصدنا


لا تسودنا الخطايا نلحق الشرهه زمنا
ما جزانا إلا عملنا والخلائق يثبتنه





للشاعر خالد مدعث الدوسري

[يتــــــرنم]

رد الشاعر / ناصر بن فارس الفراعنه

كـل مـا فاضـت عيـونـي نـجـر ابــن حـربـان دنّــا
,,,,,,,,,,,,,,,, فـي ضلوعـي يسمـع اللـي مـن ورا بغـداد دنّــه

يـوم ابـن مدعـث لنـا سـنّ الوجـود الحـقّ سـنّـا
,,,,,,,,,,,,,,,, وا فـوادي كــنّ دود الارض يـرعـى فــي مسـنّـه

وا فــوادي لــو تضـنّـى يـابـن مـدعـث مــا تضـنّـا
,,,,,,,,,,,,,,,, كـنّّـه الـمـجـدور عـقــب الـجــور مـرمــيٍٍّ بـعـنّـه

اشـعـل التنـبـاك مــن خلقـتـه مــا شـبّـه و كـنّـا
,,,,,,,,,,,,,,,, ميـر كـنّّـه مــن عـجـاج فــاح مــن صــدره يكـنّّـه

وا وجــودي وجــد منـهـو عــضّ بابهـامـه وحـنّّــا
,,,,,,,,,,,,,,,, واحــدٍٍ شــاف الـثـلاث البـيـض ســودٍ مستجـنّـه

شــاف قــدّام الخـيـام خشـيـف ريـــمٍ مرجـهـنّـا
,,,,,,,,,,,,,,,, وثـوّر البنـدق يـبـي صـيـده وراغ الخـشـف عـنّـه

اطلـق اربـع عقبهـا اربـع ثـم سمـع صــوتٍ يـونّـا
,,,,,,,,,,,,,,,, واثرهـا امّـه صابـهـا طلـقـه و طــار العـقـل مـنّـه

واتـهـمـوه بـذبـحـة امّـــه لـيـلـة الـعـيـد و تـجـنّـا
,,,,,,,,,,,,,,, اتهمـتـه الـنــاس و صـــدوف المـقـاديـر تهـمـنّـه

قـالـوا اخـوانـه تــرى مـنّـا بمـنـك ولا انـــت مـنّــا
,,,,,,,,,,,,,,, يفـرق الله بينـنـا و بيـنـك عـسـى مـالـك مظـنّـه

لـك ثـلاث ايـام مـن ذلحيـن و ارحـل مــن وطـنّـا
,,,,,,,,,,,,,,, عقبهـا تخطـر عـلـى راســك مضـاريـب الاسـنّـه

ودّع مـريـتـه وتـــوْ بـنـتـه صـغـيــره مــــا تـحـنّــا
,,,,,,,,,,,,,,, تـوّهـا ام اربــع شـهـور و فــي لحَمـهـا زود لـنّـه

ركْــب غـوجـه و انقـلـب قبـلـه بلـيـلٍ مـــا تـونّــا
,,,,,,,,,,,,,,, والحمـايـا مــن خـلافــه ارخـــوا حْـبــال الاعـنّــه

الـمـطـايـا و الـسـبـايـا مــــن خــلافــه عـمـدنّــا
,,,,,,,,,,,,,,, والـمـنـايـا ســجّـــدٍ قـــــدّام عـيــنــه يـحـتـرنّــه

كــل مــا عـنّـز عـلـى قــومٍ وطــنّ الــراس طـنّـا
,,,,,,,,,,,,,,, قـالـوا اذلـــف ذابـــح امّـــه لعنـبـونـا لـــو نـحـنّـه

ذابـــح امّـــه لـــو زبـنّــا عـــدّه انّـــه مـــا زبــنّــا
,,,,,,,,,,,,,,, لـعـنـبـوك بْــيــوت قــــومٍ ذابــــح امّــــه زبـنـنّــه

الجمـالـة مــا تـجـمّـل فـــي ولـــد حـــرٍّ تـدنّــى
,,,,,,,,,,,,,,, مــيــر دوّرغـيـرنــا وانــحــش بـقـلـبـك لا نــدنّــه

وانقلـب مـن عندهـم كنّـه عـلـى محـمـاس بـنّـا
,,,,,,,,,,,,,,, يـمّـة اهــل الـغـوص عـجـلات الركـايـب وجّهـنّـه

ركْـــب بـابــور الـبـحـر و دمـــوع عـيـنـه يـذرفـنّـا
,,,,,,,,,,,,,,, فــــوق خــــدّه كـنّـهــنّ اذواد بـــــدوٍ مـرثـعـنّــه

يــوم حــلّ الـلـيـل اشـرعــة السفـيـنـه دودلـنّــا
,,,,,,,,,,,,,,, و الهـبـايـب مـــا يـخـلّـنْ مـحـبـلٍ مـــا دودلــنّــه

قــام ربّــان السفيـنـه قــال يـــا نـــاس امتـحـنّـا
,,,,,,,,,,,,,,,, قـومـوا ادعــوا ربّـكـم عــلاّم مــا وســط الاجـنّـه

قــال شـيـخٍ منـهـم الا عـنـدي الــراي iiالمطـنّـا
,,,,,,,,,,,,,,,, ضحّـوا بـواحـد عـسـى الله ينـقـذ ايـديـنٍ رجـنّـه

و طاحت القرعه على اللـي ذابـح امّـه مـا تتنّـى
,,,,,,,,,,,,,,,, ثـم رمـوا بــه فــي ظلـمـات البـحـور المستكـنّـه

و ادبحـوا عـنّـه وهــو فــي غـبّـة الـمـوج يتثـنّـى
,,,,,,,,,,,,,,,, ثم عرض له من وحوش القـرش جرجـورٍ و صنّـه

عـضّ جرجـور البحـر ساقـه و صـايـح و استجـنّـا
,,,,,,,,,,,,,,,, ابـك لـولا الله كــلاه الـقـرش مــا يسـلـم مطـنّـه

وفـي ديـارٍ مـن بــلاد الهـنـد بـيـن انــسٍ و جـنّـا
,,,,,,,,,,,,,,,, مـن فضـل ربـي عليـه اطـراف الامــواج احذفـنّـه

ومثـل مـا قبـل امـس متهـومٍ بذبـح امّـه معـنّـى
,,,,,,,,,,,,,,,,, اتـهـمـوه بـذبــح سـلـطـان الــبــلاد المطـمـئـنّـه

و في السجون المظلمه خمسة عشر عامٍ قضنّا
,,,,,,,,,,,,,,,,, مــع ثــلاث مــا قـضـنّ الا عـقـب حـالـه قـضـنّـه

لا سـمـع ورقــاً تغـنّـي جــرّ مسحـوبـه و غـنّـى
,,,,,,,,,,,,,,,,, وكـلّ مغنـىً يزعجـه غـصـبٍ يـجـي تالـيـه ونّــه

ولا طـرتـه بْـيــوت قـــومٍ فـــي الـخـلايـا يرفـعـنّـا
,,,,,,,,,,,,,,,,, دار دولاب الــدبــا الــدالـــوب دولابـــــه و زنّـــــه

وكل ما برقٍ سـرى شـرقٍ صـدوق الغيـث شنّـا
,,,,,,,,,,,,,,,,, كــن قلـبـه فــوق سـبـق طـيــور بـــرٍّ شـطـرنّـه

عـقــب مـــدّه جـــاه مـــن داره نـذيــرٍ مـرثـعـنّـا
,,,,,,,,,,,,,,,,, قـــال انـــا جـيـتـك بـعـلـمٍ والله انّـــه والله انّــــه

حرمتـك ماتـت لـهـا عـشـر سـنـواتٍ قــد مضـنّـا
,,,,,,,,,,,,,,,,, و البنـيّـه معـمـسٍ تـقـرع عـلـيـك قـــراع شـنّــه

عمّهـا عــزّر بـهـا فــي وســط بيـتـه مــا تهـنّـى
,,,,,,,,,,,,,,,,, خـادمــة نـسـوانـه الثنـتـيـن و الــلــي ضـيـفـنّـه

ثــم زوّجـهـا لـبـو سبـعـيـن عـــامٍ مـــا انقـصـنّـا
,,,,,,,,,,,,,,,, شايـبٍ يطـرب خفـوقـه لا سـمـع للـقـرش رنّــه

يـوم سمْـع هْروجـهـم فـاضـت عيـونـه و ازحـرنّـا
,,,,,,,,,,,,,,,, وسط سجنـه كنّّـه اللـي ساكـنٍ لـه فـي مجنّـه

قـال يـا ربعـي افزعـوا لـي مـن سجـونٍ غيضـنّـا
,,,,,,,,,,,,,,,, و قبـر قلبـي الدمـدم آغــادي يديـكـم iiيظهـرنّـه

قـالـوا انّــا وش لـنــا انّـــا والله انّـــا مـــا شـحـنّـا
,,,,,,,,,,,,,,,, غـيـر بنـتـك والاّ مثـلـك مــا قـربـه بـقـرب جـنّــه

وانـتـحـوا وعــيــون قـايـدهــم جــنــوبٍ خـايـلـنّـا
,,,,,,,,,,,,,,,, وهــو ورا سجـنـه عيـونـه كـــلّ نـجــمٍ يخايـلـنّـه

وعقب عامٍ مـن مجـيْ ربعـه و سـنٍّ عـضّ سنّـا
,,,,,,,,,,,,,,,,, اعـفـوا الكـفّـار عـنّـه مــن عـقـب ســودٍ دهـنّــه

يــوم فـكّـوا قـيـد رجـلـه وانطـلـق خـاطــرْه مـنّــا
,,,,,,,,,,,,,,,,, و انفـلـت يبـغـى ديــارٍ مــن ورا نـجـد اشحـنـنّـه

حــثّ سـاقـه مــا يـشـوف الا بنيـتـه يـــوم قـنّــا
,,,,,,,,,,,,,,,,, من عقب عشريـن عـامٍ فـي وطـن قـومٍ مصنّـه

ومـن ردى حظـه نهـار اغـضـنْ عيـونـه و ارقـدنّـا
,,,,,,,,,,,,,,,,, فـزّ مـن نومـه عقـب عضّـه حنـش دابٍ iiبسـنّـه

ومـن اثـر سـم الحنـش يونـس ضلوعـه يطبخـنّـا
,,,,,,,,,,,,,,,,, و طــاح عــزّي لـواحـدٍ ســود الافـاعـي طيحـنّـه

يــوم هــو فـكّــر والـــى فـوقــه نـجــومٍ يبـرقـنّـا
,,,,,,,,,,,,,,,,, وشــاف بكـيـة بنـتـه الـلـي جــا يبيـهـا بينـهـنّـه

قال يا نجوم السمـا تكفيـن روحـي صـوب اهلنـا
,,,,,,,,,,,,,,,,, علّمي بنتـي عـن اللـي صـاب ابوهـا واستسنّـه

اشهـد انّـا مـا بحلـنـا فــي الليـالـي اشـهـد انّــا
,,,,,,,,,,,,,,,, ميـر حظـي خاننـي ثـمْ مـات مـا بـه مــن يقـنّـه

ذاك وجـده وجـد حالـي فــي وطـنّـا مــن عطـنّـا
,,,,,,,,,,,,,,,, مــن هـنـوفٍ خـدرهـا بـيـض الهـنـادي يحتـمـنّـه


للشاعر /ناصر بن فارس الفراعنه

[اطياف الماضي]

ثم صاح من التفرق صيحة اللي فيه جنا
دق صدره وانطوى من حر ما به طي شنه


كل هذا حال قلب من خلقه الله معنا
الهموم يوكلنه والروابع يوكلنه


ليه ادور للسبايب والسبب فينا ومنا
النفوس وما تسوي واليدين وما حصدنا


لا تسودنا الخطايا نلحق الشرهه زمنا
ما جزانا إلا عملنا والخلائق يثبتنه



صح لساااااااااااااااااااااااااانك ولساااااااااااااااااااااان الشاااااااعر خالد مدعث والشاعر ناصر

وقصايد في قمة الرووووعة

تحيتي

[يتــــــرنم]

يا مرحبا يالأخت المبدعه والمتواصله أطياف
مشكوووووووووووووووره على المرور



أخيش / يتــــــــــــــــــــــــرنم

[عـزام]

عزا الله انهم توجدو

صح السنتهم ولسانك يا يترنم ولا هنت على الاختيار الرائع

تقبل تحياتى:

الولهان

[العماني]

لاهنت يا يترنم على الأختيار الأكثر من رائع.

وصح لسان الشاعر القدير خالد بن مدعث الخرفاني الدوسري.ولاهان الفراعنه على المجاراه الجميله ايضا.


تقبل تحياتي،،،

[حبيب]

الا خ يترنم لاهنت على نقل القصايد


وصح اللسانك واللسان الشعار

تحياتي

[فلاح ال مخلص]

قال جيتك قالت ان الموت ما ظني تونا
واستلمها نازع الارواح روحن مرجهنه


ثم صاح من التفرق صيحة اللي فيه جنا
دق صدره وانطوى من حر ما به طي شنه



صح لسااااااااااااااااانك


ولسااااااااااااااااااااانه

[يتــــــرنم]

يا هلا ومرحبا بالسنافي حياك الله والله يهينك يالولهان




أخيك / يتــــــــــــــرنم

[يتــــــرنم]

يا هلا ومرحبا يالقرم حياك الله والله يهينك أبو مبارك




أخيك / يتــــــــــــــرنم