السلام عليكم ورحمة الله وبركاته
قصيدة ختامية نتوقف بعدها إلى مابعد شهر رمضان الفضيل،وإن شاء الله تقرأون مايسركم..
البارحه وانا انتظـر ودعـت حفـل الأنتظـار=واوقدت شمعه في مكان الصاحب اللي ما حضر
آجي على شانه واشوفه لابسن ٍ ثوب الوقـار=واصد منِـه صـدة اللـي دالـه مالـه نظـر
عيت به الدنيا وانا دنيـاي مـن دونـه دمـار=ما اقدر على الصده وهو لامن بغى الصده قدر
وقعَت له بأقصى الظماير حرف دم وحرف نار=وإلى تغلَلى صـد وإن جافيتـه الغالـي هجـر
كفـاك يالمجمـول صـد ولايغـرك لنتصـار=ليِن جنابك لي ويكفـي عنفوانـك مـن حجـر
انا قـوِي البـاس واقـاوم عوامـل لنصهـار=لي صدة ٍ لقفيت ماعاود وقلبـي مـن صخـر
حتى ولو سبب شعاع اسمك بعينـي لنكسـار=وأضفى بنوره وإنكساره فوق كل اسمى البشـر
عطيتك اسباب الصداقه وأنـت جنـآي الثمـار=اخذ الفوايد كلهـا واخـذ صديـق إبـلا ثمـر
الميسم اللي في ظميري صار يقدح له شـرار=له لذة ٍ بين الظماير واوجسـه مـوت ٍ حمـر
هذا دليل الغيره اللـي ناسهـا نـاس ٍ إكبـار=لاحس محبوبه يغامر والمراكـب فـي خطـر
لاضاق صـدري والله إن ابـدل الديـره إبـدار=واسوقها بارض ٍ خلاوي وانزل بروض ٍ خضر
روض ٍ عصافيره تغـرد توماشافـت خضـار=فيه الخزاما والنفـل كنهـا علـى دلتـا نهـر
واشب ضوٍ جمرها يبقى علـى طـول النهـار=واقرِب الرسلان واصلاها على صلـو الجمـر
واسمر مع القمرا واسامر كل نجم اوين صـار=واحاسب النفس الحزينه ويش جابـت للعمـر
19-07-2012, 11:23 AM
العرض المتطور
