((الخااااااااااااااااااينه))

[فلاح ال مخلص]

((صـلـو عـلــى الـنـبـي))

جيتك وكني مالـك ملـك قـارون
من كثر شوقي لك ومن جور فرقاك
جيتك وانا في حبك انسان مجنـون
وعلاجي من الجن طلـت محيـاك
جيتك بحب بين الاضلاع مسجـون
ساسه من العزه وقصره من ارضاك
جيتك ضمان العون يالغالي العـون
ميت على لاماك واشربك واضمـاك
جيتك على وضح النقى كيف وشلون
بس المهم اشوف طخمتك والقـاك
شريت قربـك والمخاليـق يـدرون
لولاك مابعت اقرب النـاس لـولاك
جيتك واحسب انك غريب عن الكون
واثرك مكون حب والحـب بحمـاك
واقفيت مني وانت عاشق ومفتـون
سمعـت عذالـك وهديـت مبنـاك
اقفيت وانت تحيني مـوت وتمـون
وخليتني وانـا انتظـر وىتحـراك
مدري تبعت ابليس وابليس ملعـون
حرتنـي فـي حركاتـك ومعنـاك
دلع دلع في اللبس والشكل واللـون
اغريتني والغدر باسلوبـه اغـراك
ونسيتني والناس يازيـن ينسـون
وانـا تجرعـت المـرار بخطايـاك
صبرت صبر ايوب والخاين يخـون
والسد باح بنظرة اعـداى واعـداك
واليوم جيت وشفت عذالـك يجـون
عندي وعمك بيـن هـذا وهـذاك
يانعبوك شلـون الانـذال يجنـون
عليك وانت بنت (ياقـرب مسـراك)
ويانعنبوك شلون ترضين بالهـون
ويانعنبـو رجـل يحبـك ويهـواك
الناس منك ياارذل الخلـق ينهـون
ينهون من قربك ومن قرب شرواك
والله مرضى بك لو الناس يرضـون
لاعـاش قلـب يعشقـك ويتمنـاك
لو انك انت الذنب والقلب فرعـون
آمن بربه مـن مصايـب سوايـاك
عذاب هم وغم واشواق واشجـون
سبت غـرورك وانحـدارة نوايـاك
رفعت قلبي للسماء مابـه ضنـون
معـاد يرجـع لـو تقولين(نفـداك)
هذا جزاي ارخيت راسـي لمزيـون
ماغيـر يالبـيـه لـبـاه لـبـاك
والحين دينك صافقه منـي ديـون
انـت جـزاك (الله ياكبر)بـلـواك
جرحي برى والجرح منك بمليـون
لاشك يبقـى دون طاريًـك اشـواك
دور بدلـي فيـه قـوم بيشـرون
وانا بدور شخص غيرك وابا انساك
واقرى قصيدي وافطن لكل مكنـون
لاحظ حروف الشعر وشلون تجفاك
جبريل خلى زبـدة الخلـق يقـرون
وجبريل حبـي بالمضاميـن قـراك
اخذي كلام البـدو والبـدو يبقـون
مثل القمر لاتهتـي الـدرب قـداك
بيت الشعر قدامـه البـدو يرعـون
حلالهـم منـا ومـنـا ومـنـاك
ناس على درب الوفى دوم يمشـون
وعاداتهم للي معـه وعـي وادراك
ياللي غدرت الحب والحب مصيـون
اخـذ كـلام ياصـلـك ويتـعـداك
الحق للي يطلب الحـق مضمـون
وانا اكبر من اسمك وساسك ومبداك
جيتك وكني مالـك ملـك قـارون
واقفيت من غدر تـولاك واعمـاك

[حسايف]

الله الله الله

صح لساانك يافلآلآح ولا هنت علي ذالقصيده الجزله

[فلاح ال مخلص]

المشاركة الأصلية كتبت بواسطة حسايف

الله الله الله

صح لساانك يافلآلآح ولا هنت علي ذالقصيده الجزله

ارررررررررررررررررررررحب



صح بدنك

[تايه الغربه]

صـــــــــــــــــح السانك يا فلاح

قصيده رائعه

رائع رائع كما عهدناك اخي فلاح ال مخلص

تحياتي لك

[فيصل بن حجرف]

صح لسانك يامبدع
ولاهنت على الابداعات الجميلة اللي تبدعنا فيها بكل قصيدة تكتبها لنا

[عـزام]

صح السااااااااااااانك يالذيب

جززززززززله ومن راس جزل لا عدمناك


الولهان

[سمو الامير]

صح السانك ملايين

ولاهنت يافلاح على ذا القصيده الجزله

سمو الامير

[راكان اليامي]

الله الله

لاهنت لاهنت لاهنت يابو ساااااااااااااااااااااااااااااالم

وصح الله لساااااااانك ياطليقان على القصيده الجزله وابسميك نائب شااعر يام علي بن بلااااااال

[المناجي]

فلاح آل مخلص ..

جيتك على وضح النقا كيف وشلون .....بس المهم أشوف طخمتك ولقاك

لاهنت على هالقصيده الجميله ..والى الأمام


المناجي ..

[ابو محمد]

صح لســانك فلاح ال مخلص