مرثية الشيخ (زايد) لشاعر يام (ابن بلال)

سمو الامير · #1 21-12-2004, 07:30 AM

هذه مرثية الشيخ (زايد)الله يرحمه لشاعر يام (ابن بلال) :

هات القلم والحبـر والبـوك هاتـه= الشيخ زايد مات والصـدرضايـق
حــرام مابكـانـي إلا وفـاتــه= بكيت مـن تبكيـه كـل الخلايـق
ياليتنـي لوفـي تـوالـي حيـاتـه= مودعـه لحـظـات وإلا دقـايـق
رحـل بلـيـا وقـفـة وإلتفـاتـه = وانتابنا حزنا علـى الصبـر فايـق
وكلن علـى زايـد يهـل اعبراتـه = وعليه شاعـر يـام للحـزن ذايـق
نعم وشعـر المـدح مـن واجباتـه= ومن الرثاء نظم من الشعـر لايـق
فقيدنا اللي فـي طـوارف صفاتـه = واجد مـن الحكـام مثـل العلايـق
شيخ الشيوخ اللي تجـي مكرماتـه = فـي وقتهـا ياحافظيـن الحقايـق
عمت جميـع المسلميـن احسناتـه= رجل السلام اليـا هفـا كـل بايـق
مامثـل تاريـخـه ولا منجـزاتـه= الا انه ابيض وجه وابيـض وثايـق
الريـس اللـي وحـد السبـع ذاتـه= امخلـد امجـاد لهـا العـز رايـق
شيخ بنـى مجـده ودرس احماتـه= ابناه درع احماه عـن كـل عايـق
الاسـرة اللـي ماتخالـف وصاتـه = بالعـز مـن فـوق الثريـا توايـق
مرحوم يامن كـان مـن معجزاتـه = تحول الجـرد الصحـاري حدايـق
لوسقـت قافـي شيبـت قافيـاتـه= وباقي معاني مـدح ماهـي لحايـق
والموت لويحـرب كسرنـا شباتـه= بجموع ( يـام ) اللي تـرد الوسايـق
قوم اليا دعيت على المـوت جاتـه = وتشرب حياض الموت شرب الشفايق
ماكان مـرت قبضتـه واسكراتـه= عود عليـه قلـوب الامـة فلايـق
والموت حق ومـن يـدور نجاتـه= يلحق بمن صكـت عليـه الغلايـق
امسـافـر محسـوبـه سابقـاتـه = ياهل جـوازات السفـر والبطايـق
اطول سفـر يالله عسـى عاقباتـه= محمـودة وامـة محمـد عتـايـق
وشكـوى لغيـر الله ذل وشمـاتـه = وقبول ظلـم امحوشيـن السرايـق
اتلا الرعاة اللـي طغـت محدثاتـه = يضحك ويرمي بالثقل في الحرايـق
والله نصر من فوق سبـع سمواتـه= موسى وفرعـون وجنـده غرايـق
ارجع إلى أغلى من فجعنـا مماتـه= عن كـل مفجـوع ثيابـه شلايـق
عـزاه ياتـلاً تدربـت حصـاتـه= تل الشموخ اللي لـه الفكـر تايـق
انشد صدير الشعـر مـن وارداتـه = ماهـوب هـرج امكثريـن اللفايـق
فقـدان زايـد مـا محـا سامياتـه= والوجد ما ينساق من غيـر سايـق