آ هـــــــــا ت

[بخيتان اليامي]

آ ها ت قصيده محببه الى قلبي وأود أن تكون المصافحه الأولى لي في هذا المنتدى وهي بالمناسبه مجاراه لقصيدة ( المعاناه ) لصاحب السمو الملكي الأمير: خالد الفيصل أمير منطقة عسير حفظه الله، الأمير والشاعر البارز على الساحة الشعرية والمعروف "بدايم السيف"، أتمنى أن تحوز على رضاكم جميعا.

يامن شكى همه على الليل بآهات = من جرحَه أهتزَّت حروف أبجديَّه
ينصاع له معنى المعاني بكلمات= يطرب لها من ذاق حب بدويَّه
ويسري على نشوة بيوته مسافات = يرقى بها رجم ٍوينزل حويَّه
ويبحر على متن الشعر في مساحات = يغوص في عُمقه ويأخذ نقيَّه
له مهجة الشعار روضه ووحات = فيها شعاع الشوق يكسي البريَّه
فيها ينابيع الشعر تروي أموات = أموات عشقٍ أصبحوا له ضحيَّه
ويجوب صحراءَ نجد هاوي مهمات = يقطف زهرها كل رايح عشيَّه
ولا زال يشكي من جروح المعانات! = الله وأكبر كيف يقوى العصيَّه
ياليل فسرْ له ترى العمر لحظات = يشقى بها ناسٍ ويرحل بقيَّه
أميرنا يشكي لك الهم ويلات = ليش أنت ساكت ماتعرف الحميَّه؟
ما دام ردك للبشر دوم بسكات = وش هو يضرك لا دمحت الخطيَّه!
ياليتني ليله وأشاكيه ونات = وأسمع معاناته بالأذن الوعيَّه
وأعطيه ما يبغى وما تملك الذات = حتى ولو روحي تقدم هديَّه
لا شك كلمة ليت حظٍ ولا جات = يقطعك من كلمه لها مقدريَّه
يامن شكى لليل والله سلامات = يفداك ليلٍ ما يقدر شكيَّه

[ماجد المهنا]

السلام عليكم ورحمة الله وبركاته ..


1



بخيتاااان اليامي ..



يشرفني ان اكون اول من رد على هذه الرائعه ..



صح لساااااانك ملاااين ..



ابداع يفرض نفسه ..



سجل اعجابي ..


أخوك /

ماجد المهنا ..

[بخيتان اليامي]

وعليكم السلام ورحمة الله وبركاته،

الاخ الغزيز الشاعر ماجد المهنا،

صح الله بدنك ولاهنت أخٍ غزيزٍ وغالي،

والروعه بالفعل هو مرورك الأنيق والذي زاد من حروفها روعة.

تقبل فائق ودي وتقديري وأحترامي لشخصك الكريم.

أخوك: بخيتان اليامي،

[تايه الغربه]

اللــــــــــــــــــــــــــه عليك يا ابو فارس

صح السانك طال عمــــــــــــــــرك

[السنـــــافية]

صح لسانك

[cool]

السلااام عليكم ورحمة الله وبركاااته

آ هـــــــــا ت ...../مصافحه اولى ...../ بخيتان اليامي...../

صح لسانك ابو فارس قصيده ومجارة راائعه وابداااع مستمر

لاهنت والله يعطيك العااافيه

كـووول

[بحوور]

يا هلا ومسهلا والله


حياك الله بينــــا ..

وصـــح كــلك مليــــــوون

ولاهنـــــــت ..




تحيــــــاتي وتقديـــري

[الشرس]

مصافحة السعد يا بخيتان
صح لسانك والله لا يهينك على القصيدة الكلمات الجميلة

[بخيتان اليامي]

أخي الغالي تايه الغربه،

صح الله بدنك وأشكرك على المرور.

تقبل مني كل الاحترام والتقدير،


أخوك: بخيتان اليامــي،

[اطياف الماضي]

يامن شكـى لليـل والله سلامـات *** يفـداك ليـلٍ مـا يقـدر شكـيَّـه

مجاراه اكثر من رائعة صح لسانك

وفي انتظار المزيد منك

لك تحيتي