يسعدني ويزيدني شرفا تقديم شاعر عملاق
هو السهل الممتنع في شعره،، القوي في طرحه
شاعر بدرجة مستشار 000
لايقبل انصاف الحلول،، دائما تجده في الصفوف الأماميه
يكتب القصيده الجزلة المعاني ولا يحيد عنها ابدا
انه الشاعر الكبير
ضامي
لو بغيت اسج واصد عن درب الهوى=عيت النفس الشقية وانا مقوىلها
ياوجودي وجد ذيبٍ مع الهجعة عوى=سمع صوت البدو في يمةٍ وادوا لها
بس شاف الصبح من دونهم ثم انطوى=عاف من دون العرب صيدتة مانالها
او وجود اللي توطاة وقتة ماقوى=ماقوى في ظيم بقعا ولا غربالها
او وجود اللي حصيلة من الكنة ذوى=وقفت فية السواني بعد مشفالها
او وجود اللي على رجلة الداب التوى=بعد ماناش القدم ارتخت ماشالها
والسبايب كلمة العذب لي مالك لوى=كل مااطلب حاجةٍ قال مايحتالها
اللة اكبر كيف ذا الترف في قتلي نوى=من عيونٍ سود مايعتذر قتالها
في عيونة شفت انا الموت والفتنة سوى=والسهوم اللي علية نوى برسالها
مل قلب ٍ في هوى داعج العين انكوى=كية ٍ نجحت والاخرى بعد في جالها
والطبيب يقول جرح الهوى مالة دوى=يافهيم افهم وخل الهموم وفالها
لو دريت ان الهوى والمساكين ادعوى=كان خليت الرحايل تروح الحالها
يارفيق الدربب ؟؟؟؟؟؟ راع المستوى=هل اقيدها معي او افك اعقالها
صاحبك من كثر ماشاف من بقعا روى=والمواقف يارفيقي تعرف ارجالها
عرفي اللي ساقني لك وعرفي ماغوى=لان عرفك يفتل اعقودها وحبالها
كل ماقلت انجلا الهم غيرة لي ضوى=عاكستني يابيض الوجة في ترحالها
لكن اخترتك صديقي وقلت اللي حوى=ولاتخليها بصدري تجر موالها
05-01-2005, 07:10 AM
العرض المتطور
