لحظة وداع اقسى من الموت يا صاح

عجمي الوادي · #1 10-01-2005, 01:37 AM

..مرحبا ..
.. كلمات اعجبتني وحبيت انقلها كلمات / حسن الهاجري ..

لحظة وداع اقسى من الموت يا صاح ..!!

قــال اسـتـمـع مـنّي قبل لحظة وداع..
ياللـي غـلاك بداخل القلب مزروع

وارجوك لا تنسى وليف ٍ لك انصاع..
ومن وين ماودّك يجي دايم ٍ طوع

يـفـرح بـشوفـك وان تغـيـّبت يلتاع ..
يغليك من قـلبه ويضويلك شموع

قـدّر ظـروفـه وافـتـهم كل الأوضاع..
لا تزيد هم القلب و القـلـب موجوع

لا تحسبنّي يـا هـوى الـبـال قـطّاع ..
ولا تحسبنّي في العشاشيـق مخدوع

والله فلا غيرك سـكـن بـين الأضلاع ..
ومهما يطول الوقت لك قدر مرفوع

ياما عـشانـك ساهـر ٍ بـين هجّـاع ..
أهـلّْ دمـع العين والقلب مفزوع

اقـولـها صـادق ولا نـيـب خـدّاع ..
ماهوب أنا اللي مِنْه الأحساس منزوع

وقال الـوداع ابَّـسمة ٍ حلو الأطـباع ..
قـصـده يـواسيني وأنا كلّي دموع

اقفى وانا من ما حصل صـرت مرتاع ..
مـدري حقـيقه أو تصاريف دلوع

اقفى وقـلـبي داخـله هـم وأوجاع ..
انا اشهد أنّه لاعني صاحبي لوع

ما يرجعه دمـع ٍ ولا عض الأصباع ..
خـلاص أنا من شوفة الخل ممنوع

لا واحسايف حلمنا في الهوى ضـاع ..
والله يعـين القلب لا صار مفجوع

.. إتمني تنال إعجابكم ..
.. تقبلوا ارق التحايا عجمي الوادي

الهنوووف · #2 10-01-2005, 02:15 AM

الله الله صح لسان اللي كاتبها واللي ناقلها لنا يالغالي عجمي الوادي يعطيك العافيه

عجمي الوادي · #3 10-01-2005, 02:24 AM

الهنوووف

مشكوره اختى العزيزه على مرورك اللطيف

لكى من الوداصدقه

كويتي · #4 10-01-2005, 02:32 AM

عجمي الوادي تسلم يمينـك يا الغالي على هذى الطرح
الرائـــع لاهنت يا طويـل العمر ,,

بنتظار جديدك

تقبـل تحياتي
كويتي

عجمي الوادي · #5 10-01-2005, 02:44 AM

كويتي

ولاانت ياالسنافى

لك خالص تحياتى

هند · #6 10-01-2005, 05:55 PM

عجمي الوادي
صــــح لسانك
أبيات رائعـــــــــــــة وإختيار موفق

لك تقديري
الســـؤدد

عجمي الوادي · #7 10-01-2005, 06:52 PM

السؤدد

اطياف الماضي

شاكرلكم اخوات العزيزات على مروركم الكريم

اسعد ني حضوركن ياالسنافيات

لكم من الوداصدقه

اطياف الماضي · #8 10-01-2005, 06:20 PM

عجمي الوادي

الله الله

صح لسانك ولسان شاعرها

اختيار رائع وموفق

يعطيك العافية

تحيتي