أعترافات بدوية

[عجمي الوادي]

لاخير بانسان رمى ثوب ماضيـه
وبالتاليه يسعى لطمـس الهويّّـه

للشمس نور يحسب إنّـه يغطيـه
ما يدري كفوفـه بنـوره خفيّـه

وأنا فدا الماضي ليا حـل طاريـه
أنسى الحياة المترفـه والشقيّـه

طبع البداوه عشقي وميّتـه فيـه
وكلي فخر لاقالـوا إنـي بدويّـه

إيه ابدويّه آخذ الخيـر وأعطيـه
وأبادل المعطـي جزيـل العطّيـه

إيه ابدويّه وأزرع الطيب وأجنيـه
الطيب زرعي ما زرعت الرديّـه

إيه ابدويّه لـو تزيـد المشاريـه
ببقى على عهـد البـداوه وفيّّـه

ماألاحق الموضه بسوق المسافيه
اللي لهن كل يوم روحـه وجيّـه

الله سترني ، ثوبهم ذاك ماابيـه
لاصار تطريـزه بسلـك الخطيّـه

ماني من اللي أثبت العكس وأنفيه
وبيني وبين العيب حوض المنيّـه

ومانيب دلّوعه ولا قلت : (أمبيه)
ولالي على كثر الدلـع مقدريّـه

رزينه وثقلي على الخـفّ أبديـه
دام الثقـل زينـه لعقـل البنيّـه

كرامتي نجم سطـع فـي لياليـه
ولاذلّني مخلوق ما دمـت حيّـه

لنفسي عليّه دين لاشـك أبوفيـه
ولا دفعت لمقتـل الخـوف ديّـه

وأقول للي جهـل الأيـام معميـه
مولوده ، وعشت ، وبموت ابدويّه
منقووول

[مـحمـد]

شكرا عزيزي على هذه الاعترافات الاصيله
واللي ماله اول ماله تالي

[السنـــــافية]

عجمى الوادى

صح لساانك وتسلم على نقل القصيده لنااا

[عجمي الوادي]

ALAJMI



السنـــــافية


شاكرلكم المرورالكريم

[عـزام]

عجمى الوادى

صح الله لسانك والسان قايلها

ولا هنت يالسنافى على الاختيار الرائع

[بن حظيبه]

بسم الله الرحمن الرحيم
السلام عليكم ورحمة الله وبركاته

رائعه قصيده رائعه يا عجمي الوادي صح الله لسانك ولسان شاعرها.

تحياتي

[بنت شيوخ]

وأقول للي جهـل الأيـام معميـه
مولوده ، وعشت ، وبموت ابدويّه


حلوه تسلم ايدينش

[هند]

رزينه وثقلي على الخـفّ أبديـه =دام الثقـل زينـه لعقـل البنيّـه
كرامتي نجم سطـع فـي لياليـه =ولاذلّني مخلوق ما دمـت حيّـه
لنفسي عليّه دين لاشـك أبوفيـه =ولا دفعت لمقتـل الخـوف ديّـه

صح لسانك ياعجمي الوادى
أبيات رائعه تقطر شموخاً واعتزاز

لك كل التقدير
السؤدد

[عجمي الوادي]

عـزام



بن حظيبه




بنت شيوخ




السؤدد



شاكرلكم المرور الكريم

[هادي الشامري]

عجمي الوادي صح لسانك قصيده رائعه
لاهنت يالقـــــــــــــــــــــــرم

تحياااااتي