......... النــــــــــادرة .........

[العرجاني محمد]

السلام عليكم ورحمة الله وبركاته .. مساكم الله بالخير جميعا .

هذه قصيدة على وزن وقافية الشاعر المشهور الغيهبان المري .. وأرجو أن تحوز على رضاكم

بسم الله أبدأ كلمتى ودعائي =مسقي الفيافي المقفرة بالمائي

من عقب ماهي جرداءٍ ترجي القطرة=اليوم كنها دوحةٍ غنائي

فالحمد له والشكر له والمنة=جزل العطية صاحب النعمائي

الواحد الفرد الصمد سبحانه=إللي من آدم خالقٍ حوائي

الله خلق ناسٍ تعز الصحبة= وتوفي لصاحبها بغير جزائي

فبعض الصحاب لا جاء وقت الشدة=بانت مراجلهم بدون ريائي

وبعض الصحاب لا جاء وقت اللازم=تقلبوا بعد الغلا أعدائي

والله خلق في الناس رجلٍ فاهم=دومٍ ترى ممشاه للعليائي

والله خلق بعض الرجال بهيمة=ما يعرف العدلة من العوجائي

فسبحان ربٍ خالقٍ أضدادٍ =ما تلتقي لو تلتقي الأنوائي

يا صاحبي والنار حولي شبت =وأستوطنت قلبي وكل أحشائي

بأسباب دنيا غادرة دوارة=فيها الوفاء أصبح كما العنقائي

فيها الوفاء أصبح بضاعة بايع = تعرض ولا يلقى لها شرائي

من بعد ذا يا غايتي وش لك به=أنتي الدواء لي وأنتي سبة دائي

وأنت السعد وأنت الهنا والراحة = وإن كان لي شقوة فأنتي شقائي

لبى جبينك إلا كشف لي برقه=يفضح سناه الغطوة السودائي

و لبى عيونك إلا أضحكت من أجلي=يا ام العيون الخدرة الدعجائي

و لبى قوامك إلا أنثنى لي عوده=كني ملكت الكون في يمنائي

و إن دكني ليل الشعر في لحظة=من وهج خدك أستمد ضيائي

وإن كان جمر الشفة أحرق خدي=فثلج الثنايا بلسمي ودوائي

وإن كان برد الليل أشقى روحي= فأرجوك في حضنك تلم أشلائي

ياللي وصوفك نادرة ما توجد=وبين البنات أنتي كما الجوزائي

ياالنادرة حسنك عسير وصفه= ولو زدت في مدحي وفي إطرائي

يا النادرة في كل شي حتى = في فن تهميشي و فن إقصائي

قلته وأنا بالحب رافع راسي = لا الحب ولا غيره يجيب أقصائي

فأنا سلالة لابة ما تقهر =أفعالها تذهل عيون الرائي

مجد قديم و حاضر متجدد=صبيان يام ذيابة الهيجائي

وقد قالها ضيدان قبلي وأبدع= في وصف ربعه ضياغم آل عرجائي

إني لمن قومٍ يعز عليهم =قتل الرعاة ودمعة الحسنائي

وإني لمن قومٍ تجير دخيلها= وتاقف معه في الضر والسرائي

قبيلة تملكت مجد الشرف والشهرة= من ألف باء المجد إلين اليائي

الله يعز رجال يامٍ كلهم= ويغفر لميتهم وللأحيائي

وختامها صلوا على هادينا=راعي الرحول إللي إسمها القصوائي

[/

وســــــــــــــــلامتكم

محمـد العـرجانـي

[النائب]

ماشاءالله قصيدة جزله ورائعة يعطيك العافية يالعرجاني

[بحوور]

العرجاني محمد


صــــح كــــلك مليـــــــــوون

ولاهنـــــــــت ,,




أختـــــــكـ

[فيصل بن حجرف]

ماشاءالله عليك
مبدع اخي محمد
صح لسانك على ما امتعتنا به
وننتظر المزيد من جديدك

[ffahad]

محمد يامحمد يامحمد هذى طال عمرك من المعلقات السبع قصيد روعة مثل من جابها
تقبل فايق احترامى

[العرجاني محمد]

النائب تشرفت القصيدة طال عمرك بمرورك وكلامك الجميل ,,,,,,,,الف شكر

[العرجاني محمد]

حياك الله ياأختي بحوور وصح بدنك مليااااااااااار ومشكورة على مرورك الجميل

[العرجاني محمد]

حياك الله يااخوي ابو عبدالله تشرفت القصيدة بمرورك ياالقرم...وصح الله بدنك

[العرجاني محمد]

حياك الله يااخوي ffahad والروعة في القصيدة طال عمرك هو مرورك الجميل ...

الله لايهينك ويعطيك الف عافية على كلامك الجميل

[رفيـــع الشــان]

العرجاني صح لسانك ,,

فأنـا سلالـة لابـة مــا تقـهـر
أفعالهـا تذهـل عيـون الـرائـي

مجـد قديـم و حاضـر متـجـدد
صبيـان يـام ذيـابـة الهيجـائـي

ونعم ومليون نعم فيك وفي آل العرجاء وفي يام ورجال يام كلهم ,
والله لا يهينك على القصيده الحلوه .