العشق والليل

مبارك الحسيني · #1 13-06-2005, 09:18 PM

العشق والليل

يا ليل السهارى يا بعد مشوارك

والقمر جمع اصحابه

ونادى على احبابه

وطاب السهر بجوارك

ياليل الحيارى يا كثر اسرارك

ضمنا حيل ياليل

وخلي البن والهيل

وشوق الربابه

تغسل بدموع السحابه

قلوب ووجيه علاها شحوب

ضيعت حلم

و تاهت خطاويها على وجه الدروب

يا ليل قل للزمن لحظة

والعمر ما عاد فيه غير ومضه

يا ليل قله لا يروح كله

وان عزم على المسيار

خله يترك لنا بعضه

يا ليل لو صار ما صار

وارتسم حزنك على السمار

وكحل الأجفان ظله

تبقى لنا يا ليل المحبه

دوا لكل عله

يا ليل سمعنا صوت الدفوف

وخلي الحروف ترسم البسمه

وترسلها مع النسمه

لكل العاشقين

ياليل صحي النايمين

وخلنا نبتدي العرضه

يا ليل ليه الحزن عمره سنين

والسعاده كنها غمضه

.

هند · #2 13-06-2005, 10:13 PM

صح لسانك أخوي مبارك
كلمات رائعه

لك تقديري
السؤدد

البدويه · #3 13-06-2005, 11:51 PM

صح السان يا مبارك ولا هنت

اخـــــــــــــــــــــــــتــــــــــــك

العبرةالحائـرة · #4 14-06-2005, 05:33 PM

صح لسانك ياخوي مبارك

بحوور · #5 14-06-2005, 10:04 PM

مبارك الحسيني

اللــه عليــــكـ

بــــووح مميـــــز لـ قلم يشرفنـــــا

إنضمـــــامه ..

لا عدمنـــــاكـ ..

أختــــــــكـ

مبارك الحسيني · #6 15-06-2005, 01:07 PM

إن مثل هذه القصائد لا ترتقي ولا يحس بمعناها
إلا بفضل ردودكم....
لذا أشكر كل من مر على هذه القصيده وهم :
1- السؤدد...
2- البدويه...
3- المهاجره...
4- بحوووور....
ولكم مني جزيل الشكر والعرفان...
أخيكم / مبارك الحسيني..