مرثية (بندر الرشود) في امه

[مربوش]

والله لولا الخوف من ربي وكرهي للذنوب
************** بالحرام ان التراب ابعد عليـك من النجـوم

يا الهـي تطمئــن بذكــرك أرواح وقلـــوب
************** لا إلـه إلا أنـت نسجـد لــك ولا غـيرك يـدوم

وجهك الباقي وعبدك ينتظر منك المكتوب
************** مالــه الا ماكتبـت ومايطــول إلا المقســوم

يالعظيم اللي في علمك جنة ونار وغيوب
************** تنجي أمـي من عـذاب النـار والقبر المكتوم

يمه الله اللي يعلم يوم أوعدك مغصوب
************** يوم أحطك في القبر ماأدري أقوم أو ما أقوم

ماهقيت أمشي ولاخطوة ولا ألحق غروب
************** من عرفـت إن الفـراق بيوم صـار محسـوم

صارت الدنيا تدور ولا عرفت الدرب نوب
************** مثل الأعمى صرت يمه ماعلي شرهه ولوم

الوكاد أني غديت بصوب والدنيا في صوب
************** والحيات الله يجيرك صارت أقسى من اللزوم

كل ما أذكرك يمه ينحرق شمـع ويـذوب
************** يختنق صدر المفــارق كل ماصـار امحــروم

أذكرك وأنتي هنا وهناك ياصعب الغروب
************** وين ما أناظــر أشوفـك في عيــوني كل يـوم

أتخيــل طلتــك ومشيتـــك في هالــدروب
************** حتى صوتك أسمعـه نفس السوالف يارحوم

صار بيتي في عيوني موحش وكله عيوب
************** من رحلتي لا خبـر ولا علـم ولا عيـنٍ تنــوم

مابقى للبيت نور ومابـقى للجــرح ثــوب
************** ولا بقــى إلا ذكـريــات بينــي وبينــك تــــدوم

يمــــه الله لا يعاقــبنــي ولكنــي أتــوب
**************ليت ربي ما خلــق فرقــى ولا مـوت وهمـوم

أدري الجنة تحت رجليك ولله الوجوب
************** أسئــل الله الرضــا والفــوز يالحــي القيـــوم

[السنـــــافية]

قصيده مؤثره


تسلم اخوى على الاختيار لاهنت

[فلاح بن ملبز]

تسلم اخوى على الاختيارالرائع

ولاهنت

[مربوش]

كل الشكر ل (السنافيه) & (فلاح ال ملبز)

علـــــــــــــــــى المـــــــــــــــــــــــــــــــــــرور

[بحوور]

مربوش


الله يرحم أمـــه

ويخلـــــي أمهاتنــــــا لنــــــا ،،

لاهنـــــــــــت ،،




أختـــــــكـ

[مربوش]

ااااااااااااااامييييييييييييييييين