حبيّب كيف الحال طال عمرك واقرب ولا تهون نبى معك محراف استلم.... سلام ردة وفا عد الشجر والحجر=من هاجس اللى بناها ثم غنابها يا حبيّب انا انتظرتك مير طال الصبر=وانشّد الناس عن غيبتك واسبابها
__________________
هلا والله ياعزام يامرحبا عد مايبدي علينا القمر=واهل الوفا في المواقف نحسب احسابها من الحسا رحت ياعزام صوب الخبر=وترى الخبر تذهل الزوار باعجابها
طيب طيب يا حبيب استلم لاهنت ابك البقا عد مرسى السفن فوق البحر=واهل الوفا يا حبيّب نكرم اشنابها الصدق يبقى ولو طال الزمن لو قصر=بعض المواضيع معروفه من اكتابها
الله الله ياعزام الفرق واضح مثل فرق الغنا والفقر=خيمتك يمكن تقشع بكره اطنابها اصبر وعينك يابن عمي تشوف العبر=والطيبه طيبه شرواك كسابها
طيب طيب استلم لا هنت.. البحر ما يستوى عمقه وعمق النهر=ما جف لو جفّت الوديان واشعابها ابى انشدك يا عميلى وانت كلك نظر=امقارنة الاصل ويّا الفرع وش جابها؟
الله الله البدو ماتنزل الا وسط روضٍ خضر=وديارنا خضر والبدوان ترعابها ترى الهلال اوله يطلع علينا بدر= ويصبح هلال ويسفر وانته ادرابها
الله الله يا حبيب واستلم يالقرم الوعد قدام لا من طال خط السفر=وطلعة كرى كايده ما كل يرقابها واحذر من اللى على الصوبين بطن وظهر=ما همّه الا غناته كيف يحظابها
بعلمك بالخبر ياخووك ضم الخبر=طلعت كرى صاحبك عدى بمرقابها ماهمني لاعمير ولا علي من عمر=امشي على الحق والعدوان ما اهابها
تحياتي الا المحاوره الكلاسيكيه والذربه الشاعر عزام وحبيب صحة اللسنتكم واستمروا وحنا لكم متابعين
الله الله الله عزاام صح السانك وحي الله شاعرناا حبيب وصح السانك
تصميم : طريق التطوير لحلول الإنترنت والتصميم DevelopWay.com
27-11-2005, 10:22 PM
العرض المتطور
