قصة وقصيدة الشايب وربع ولده اللي مافيهم خير!!!!

[alajmiali78]

فيه شايب ينصح ولده من ربعه ويقوله يا ابوك خوياك مافيهم خير تراهم خلان الرخى ولاصار ماصار والله ما يسرونك قال الولد ليه انت تعرفهم قال الا اعرف الرياجيل من اجلس معهم ومواريهم مواري رخوم والله ما يسرونك قال والولد يايبه وشدراك يمكن ياتون اخير من شيبانك اللي مخاويهم قال الشايب انا بخليك تشوف رداهم وتشوف طيب ربعي بعيونك .

قال الولد شلون قال انا اجربهم لك وانت بتعرف ربعك صدق .

المهم الشايب قال الشايب للولد اذبحلنا ذبيحه واطبخها وخلها جاهزه ويوم انتصف الليل روح الشايب لواحد من ربع ولده ودق عليه الباب وطلع عليه الولد قال انا ابو خويك فلان وخويك قدر الله عليه وذبح له رجال وابيك تجي معي ندفن الرجال ونزبن الولد , قال الله يقطعك انت وولدك تبون تبلشون بدم رجال انقلع الله يقلعك , وراح للثاني وقاله نفس الكلام .
قال شفت ربعك الحين تعال اوديك لخوياي وراحلهم وكل ما جا وحد منهم وعلمه بالقصه قال ابشر والله بسعدك وانا والله اني فدا لك ولعيالك .
المهم جمعهم عنده وقلط الذبيحه وعلمهم بالسالفه عقبن قصد وقال :

يا عبيد اشوفه ما يفيد تعليمي = تذكر اللي قلتلك يوم اقوله

يا عبيد خلان الرخى من قديمي = رفيقهم لاطاح ما عودوا له

ودك ترافق مثل (ربع القصيمي) = ساعة وقع من مركبه عنزوله

العفو ياما عندهم من فهيمي = وكم واحدن باموالهم فرجوله

اولاد علي منزحين الخصيمي = مركاظهم يا عبيد تذكر فعوله

ربع القصيمي اللي ذكرهم الشايب في القصيده يقولون فيه واحدن قصيمي سيروا عليه اثنين من ربعه ومرته ما تدانيهم طلعت عليهم المره عند الباب وقامت تخانقهم على جيت القصيمي الا مرته تخانق ربعه وهو ينطلق عليها يبي يضربها ويمسكونه ربعه ويحلفون عليه ثم طلقها ساعة طلقها قال وحدهم ابشر بالعوض والله ان فلانه اختي لك قال الثاني والله يا مصاريف العرس انها كلها علي ولا تدفع قرش .
وعقبها راحت سالفتهم مضرب مثل .

وسلامتكم واتمنى انها تحوز على اعجابكم .
مع تحياتي لكم اخوكم : علي العجمي .

[راكان اليامي]

انا اشهد انها نالت اعجابنا
ولاهنت ياذيب
فعلا القصه والقصيده هذي فيها حكم وعبره

لك تحياتي

[الخويطري]

أررحب ياعلي العجمي

وولاهنت مليون على القصه والقصيده الطيب

ودائما مواضيعك وجهدك يعجبنااا بدون ادنى شك

وتراني نسقت القصيده بعد اذنك , ولأتحرمناا من قصصك وقصيدك

تقبل تحياتي وأعجابي

الخويطري

[سياتل]

لا هنت فعلا قصيده رائعه و قصه معبره

لكن ودي اعرف من يقصد الشايب بعيال علي

تحياتي
سياتل

[كويتي]

لاهنت يا الغالـــــــــــــــــــــي على القصه والقصيده

تحياتي كويتي

[alajmiali78]

راكان اليامي ولا انت طال عمرك واسعدني مرورك .

تبقى يا الخويطري والله لا يهينك على التنسيق .

يا مرحبا يا سياتل والله العالم انه يقصد ربع القصيمي ! واشكرك على مرورك الكريم .

ولا انت يا كويتي ومبروك عليك الاشراف ولا هنت على الطله .