|
أصغر العجمان يسوى من عدد شكلك كثير = لوتكثر بالصيام ولو تكثر بالصلاه
السلام عليكم ورحمة الله وبركاته
بعد مارأيت من انتقادات لبعض الشعرأ من كتاب فواصل
وبعد مارأيت من استهتار يوسف الكهفي وعبدالله الراجح
بالشعر والشعرأ وبالذات محمد الذيب وياسر العجمي وسليمان المانع
وغيرهم الكثير
هاضت قريحت خاطري بهذه القصيده
ياهجوسي وانت حاضر والمثير اسمه مثير =ومعظم العربان ثاير من خلاه وفي خلاه
وياصحافه طق والحق كن مابالوقت خير = كم عدد بالسوق ينشر والمحرر ماقراه
ويافواصل ندري انك من بعد موت الامير = عشتي بحسرت مريضاً يائس من امر الحياه
ويادمار اطلق مجلة من الكبير الى الصغير= والله اني غير اعلم بعضكم وش مستواه
لامتى انكبل زعلنا بحرة الصمت المرير = ولا متى والنذل يخطي ولا يعاقب في خطاه
بالقصيد اللي كتمتة لين ولع زمهرير = بحرق الكهفى وبحرق كل من ياقف معاه
كيف يالكهفى تمهزى بالذيابه وانت غير = من خلقك الله كاتب ماحداً سلم من اذاه
بلطجياً ماعرفنالك مقر ولا مطير = تنقد الشعار كن الشعر بيدنك عصاه
صعبة سليمان بن مانع تذمة يالحقير = يكفي ان ساسه موكد مانقطع خلف المياة
يالعتيبي دور ليوسف على الصفحة شوير = حيثنا نشرة عليك وهو مانشرة علاه
ابك والله لو نحطة بالغنم سرحه عصير = يمكن تعود ويوسف ماحداً يعرف سماه
مكشخاً في مكتبة والفود لعب السولتير = والشقى انت ماتجنبته يعمك في شقاة
ومن بعدها عين الراجح على المكتب خفير= ذا محلة بالصحافه غيرها تبت يداه
وان كان شاعر شكلة بدفاع وهجوم وضهير = والله اني لاعدمة بالقاف والعن له ثواه
فمك ياعبدالله الراجح نطق هرجاً خطير = والخطأ مهما حصل ماضن تحمد عاقباه
وباشت الشعار منت بقد نقدة يالصغير = مستوى ابن الذيب يكرم عنك يابس الخلاه
أصغر العجمان يسوى من عدد شكلك كثير = لوتكثر بالصيام ولو تكثر بالصلاه
لو الشعر يامر وينهى عين محمد وزير = على شؤون الشعر والشعار في اوج الحياه
ولا يهون القرم ياسر صاحب العرف الكبير = لاتغنى ببيت واحد مثلك يموت بغثاه
لو حمسك بصاج قافه طلعك مثل افطير = وان بقى حب ماطحن يطحنه لك في رحاه
اخوكم
ماجد المرواني
التعديل الأخير تم بواسطة ناصر بن حمود ; 02-05-2006 الساعة 08:12 AM
|
01-05-2006, 03:00 AM
العرض المتطور
