السلام عليكم ورحمه الله وبركاته
هذي قصيده كتبتها في عبدالله ابن برغش وعبدالله ابن شرفان
وكنت سألقيها في ندوه اليوم ولكني اعتذرت حفاظا على مصلحه القبيله
وهم فوق المدح
فـ لما فكرت فيها وجدت اني سأخسرهم اصوات لغير العجمان
فـ قلت سأنزلها في المنتدى
ولكن لنا قصيده اخرى بعد النتايج بإذن واحد احد
تقول القصيده
العز لاهل العز ولساني حصان = وانا على ماقيل من ناس صلفين
قول يشرف موقفي عقب برهان = لاصرت من حدر الثرى وفوقي الطين
يااخواننا بالهون بالهون يااخوان = نمشي مع الدنيا بنهج وقوانين
الشعر له شانه على ذيك الازمان = وحنا نجيب الزين ونجنب الشين
اما قصيد لاذكر يحفظ الشان = والا فلا للشعر داعي ولا حين
ان دارت الافلاك وجينا مسيان = نقلب موازينن وحنا السلاطين
كبيرنا يحشم وتذبح له الضان = وصغيرنا مقرود بالعسر واللين
وعجوزنا تربي لاجل قول شجعان = وبنتنا اتجنب دروب الرديين
سلام يالعجمان ياربع راكان =ياربعنا ياللي على الطيب ضارين
لكن ياابن برغش وياا بن شرفان = حنا هل الطوله وعندي مضامين
ان جينا للمجلس علينا ولنا زان = منطوقنا ياتي بحق وبراهين
والخطوه اللي دربها درب الايمان = ياليتها ماتراوغ يسار ويمين
من فعلنا نكسب هل العرف باحسان = ومن طيبنا نذكر في كل عصرن وحين
الاياهل الرقه لانصير بخبر كان = وتروح هديه وتفلس ثنين وعشرين
اما رجل يفعل بلا حكي واثمان = ولا النسا واجد ولهم حشمه ودين
العزوه اللي نومست يوم الاكوان = ياليتها تستبسل سنين الالفين
انتوا هل القرار وانتوا هل الشان = يوم الخميس يبغي رجال خطيرين
ومن باع صوته حاسبه رب الاكوان = وبايع ضميره له بدل ذنب ذنبين
تكفون يالعجمان ياربع راكان = مانبغي نفلس من ثنينه وعشرين
كل عام يهون الا هذا العام ماهان = والبينه توضح مثل شمس وتبين
والله يوفق من نواله على احسان = والله يجنبنا الردى والرديين
نمدح هل الطولات ذربين الايمان = وباقي القبايل قدرها داخل العين
سلام ياابن برغش ويا ابن شرفان = وسلام يالعجمان نسل العريبين
قد قال ابن حثلين في ذيك الازمان = ربعي ضنا مرزوق بالعسر واللين
وسلامتكم
وهم فوق المدح
دمتم بود
28-06-2006, 06:07 PM
العرض المتطور
