ما عاد إلا هي

[راعي المشعاب]

هذه قصيده قرأتها فأعجبتني واحببت اني انقلها لكم يا احبتي الكرام
والقصيده للشاعر
مبارك الخليفه



يابوش تبغى النفط فاخذه كله
حنا نتقهوى منه مثل الشاهي


اعقد على كيفك وحبلك حله
والعب بحبل المنسدح والفاهي


عز الردي واخذ البلد واحتله
اما كتاب الله ؟؟ ما عاد الا هي


على الصدور نرتله ونشله
بايماننا لو نص اهلنا ساهي


علاجنا من كل ضيق وعله
وسلاحنا اللي مايبور وراهي


منهاجنا اللي نعرفه وندله
الآمر اللي نتبعه والناهي


ان كنت ما تتبع لدين ومله
بسنة محمد يابوش نباهي


الاسلام دين ٍ مايجي به خله
لو كل مسلم في حياته لاهي


ممكن نطوّف كل ظلم و زله
اما كتاب الله !! ما عاد الا هي

[فارس شمر]

الله الله ياراعي المشعاب تسلم على القصيده الرائعه وصح السان شاعرها ( مبارك الخليفه )

دمت بوود وعافيه

[راعي المشعاب]

الله يسلمك ولاهنت على مرورك الكريم

[عيد بن شدقان]

صح السان الشاعر/مبارك الخليفه




ولاهنت يا راعي المشعاب

والله يعطيك الف عافيه

على ما نقلت لنااا

[راعي المشعاب]

ولا انت يا عيد بن شدقان
الله لا يهينك على المرور الكريم

[فهد بن جلال]

صح لسان الشاعر مبارك
ولا هنت على النقل

[راعي المشعاب]

ولا انت اخي فهد
ولك جزيل الشكر على مرورك الكريم

[سمـــوم]

ماعاد الا هي


صح لسان شاعرها وسلمت يمين ناقلها