ابن عماره وابن نافل

[قرناس]

اخوانى الاعضاء

مسيتوا بالخير

رديه اعجبتنى وحبيت انقلها لكم وهى ردّيه من أقوى وأجزل الرديات بين الشاعرين عبدالله بن سالم بن عماره وحسن بن نافل العرجانى.
يقول عبدالله بن عماره:

أديت خمس فروض دين الله وجيتك يا حسن= في جيّتي دفعه لسيّه وانجذابه لحسنه
قمت آتحلا فالجبال اللي على البيدا رسن= شارب يدسمه القدر قدره وشارب يحسنه
خليت ريمه فالخلا ترثع وهديت الرسن= والحمل فوق الهرش حطيته وجبته برسنه
لو ينشد النشاد جاوبته انا مكبور سن= أكبر بيوم أفهم (على قول الرياجيل) بسنه
يوم البيارق من ورى شط العرب قد نكسن= بيني وبينك يا حسن وش دخل أهل البوسنه؟؟
يوم الفوارس طيّرت راس الفريسه وفرسن= شوش عقيد الراي للفرسان طبع الفرسنه
خمّس له الفارس وخمس أمّات خمسٍ خنسن= خنساء واربع مثلها على حساب الخمسنه!!
الجوخ الاحمر..والكفن..والرمح..والصيت الحسن= الاوله والثالثه لاهل الشجاعه محسنه
والثانيه من بعدها للرابعه درب ومسن= يالله حسن الخاتمه واغفر حصاد الالسنه
أديت خمس فروض دين الله ولا ادري يا حسن!= هل جيتي دفعه لسيّه وانجذابه لحسنه؟؟

رد حسن بن نافل العرجاني:

بسم الله الرحمن والخنس بعيدٍ خنّسن = أعوذ به من شر نفاث العقد والخنسنه
من صام شهره واحتسى فرضه وقلبه ما أسن = تحميه عينٍ ما خذاها النوم طرفات وسِنه
سود النوايا يا عريب الجد يهبن ويخسن = حتى ولو جات اللوافي من على (سن)و(سنه)!!
قمت آتحلا فالنجوم اللي على الصخره قسن = والظل ما ظلل ظليل العقل حزة شمسنه
ما يفهم التاريخ يا كود العقول اللي درسن = ما تخلط المفهوم بين الفرس والغساسنه؟!!
والبوسنه وامثالها من دمنا لو يحتسن = فينا الكياسه والرياسه تستوي بالكيسنه
خمّس عقيد القوم خمس اخماس والخنسا..تسن = قانونها للنايحات مْن البواكي درسنه
والروس تحت الموس . والنوماس والبيضا كسن = خطلان الايدي مشتهين الزود وقت الشرسنه
والسيف الاملح..واللحد..والدرع..والذكر الحسن = الاوله والثالثه لاهل المعارك ترسنه
والثانيه للرابعه كالشيب في وجه المسن = لا طاب شيبه طاب ذكره واعتلت محاسنه
ثم علم اللي ينشدك قله معلمني حسن = ان جيّتك دفعه لسيه وانجذابه لحسنه!!!

وسلامـــتــكم

[البليهي]

والنعم بابن عمارة وابن نفل وقصيدهم طيب وعندي شريط كامل لابن عمارة ويستاهل يكون شاعر يام

[من داثر الوقت]

الجوخ الاحمر..والكفن..والرمح..والصيت الحسن=الاولـه والثالثـه لاهـل الشجاعـه محسـنـه
والثانيـه مـن بعدهـا للرابعـه درب ومـسـن=يالله حسن الخاتمـه واغفـر حصـاد الالسنـه

والسيف الاملح..واللحد..والدرع..والذكر الحسن=الاولـه والثالثـه لاهـل المـعـارك ترسـنـه
والثانيه للرابعـه كالشيـب فـي وجـه المسـن=لا طاب شيبه طـاب ذكـره واعتلـت محاسنـه

صح الله لسان الشعار بن نافل وبن عماره

والله لا يهينك يا قرناس على ذا القصيد

الأكثر من طيب

[العــرجاني]

الجوخ الاحمر..والكفن..والرمح..والصيت الحسن=الاولــه والثالـثـه لاهـــل الشـجـاعـه محـسـنـه
والثانـيـه مــن بـعـدهـا للـرابـعـه درب ومـســن=يالله حسـن الخاتـمـه واغـفـر حـصـاد الالسـنـه

والسيف الاملح..واللحد..والدرع..والذكر الحسن=الاولــــه والـثـالـثـه لاهــــل الـمـعــارك تـرسـنــه
والثانـيـه للرابـعـه كالشـيـب فــي وجــه الـمـسـن=لا طــاب شيـبـه طــاب ذكــره واعتـلـت محـاسـنـه

الله الله

من اجمل الرديااات اللي قريت

صح لسااان ابو ناااافل ولسااان ابن عمااااارة


والله لا يهينك يا قرناس على النقل
وبيض الله وجهك

[راعي الدهما]

صح اللسنتهم ولسانك ياقرناس


رائعة جدا من شعراء جزلييــــن


اخوك


راعي الدهما

[ذيب الخزامي]

الله الله لاهنت الاخ قرناس على نقل القصيده
وصح الله لسان ابن عمارة وابن نفل

[عـزام]

الله الله يا قرناس

اختيار جدا جزل لشعار جزلين

صح الله لسان ابو سالم والسان ابو نافل

وتسلم يمناك لا عدمناك

[جرير]

لله درك يا عبدالله

خمّس له الفارس وخمس أمّات خمـسٍ خنسـن=خنساء واربع مثلها علـى حسـاب الخمسنـه!!
الجوخ الاحمر..والكفن..والرمح..والصيت الحسن=الاولـه والثالثـه لاهـل الشجاعـه محسـنـه
والثانيـه مـن بعدهـا للرابعـه درب ومـسـن=يالله حسن الخاتمـه واغفـر حصـاد الالسنـه

الله الله
صح لسان حسن بن نافل

خمّس عقيد القوم خمس اخماس والخنسا..تسن=قانونهـا للنايحـات مْـن البـواكـي درسـنـه
والروس تحت الموس . والنوماس والبيضا كسن=خطلان الايدي مشتهين الزود وقـت الشرسنـه
والسيف الاملح..واللحد..والدرع..والذكر الحسن=الاولـه والثالثـه لاهـل المـعـارك ترسـنـه
والثانيه للرابعـه كالشيـب فـي وجـه المسـن=لا طاب شيبه طـاب ذكـره واعتلـت محاسنـه

[عبدالله الحويله]

عزالله قصيدتين كل وحده احلى من الثانيه

صح الله لسان عبدالله وحسن

وشكرا على النقل

[محمد بن بريمان]

لاهنت ياقرناس على نقل اروع واقوى الرديات



ولاهي غريبه على الشعاار الجزلين عبدالله ابن سالم وحسن ابن نافل


صحت السنتهم



لاخلا ولاعدم ,,,